विराटनगर । मोरङको कटहरी गाउँपालिका – ४ मा रहेको आधरभूत स्वास्थ्य केन्द्र आफ्नै भवनबाट सेवा सुचारु गरेको छ ।
पाँच कोठाको पक्की भवनबाट आधरभूत स्वास्थ्य केन्द्र आफ्नै भवनबाट बुधबारदेखि सेवा सुचारु गरेको हो ।

उक्त भवनको उद्घाटन कटहरी गाउँपालिकाको अध्यक्ष देवराज चौधरीले गरे । कार्यक्रममा बोल्दै चौधरीले सुविधा सम्पन्न भवनबाट कटहरीबासीले स्वास्थ्य उपचार पाउने बताए । गाउँपाकिलाले स्वास्थ्यलाई प्रथामिकतमा राखेर काम गर्दै आएको छ । चाँडै कटहरी ६ मा रहेको सर्पदशं उपचार सेवा पनि सुचारु गर्ने बताए । मंसिर महिना भित्रमा सर्पदशं उपचार सेवा सुचारु गरेर विरामीलाई सेवा दिने उनले बताए । त्यसैगरी फिजियो थेरापी सेवा पनि कटहरीमा सुचारु भएको अध्यक्ष चौधरीले बताए ।
आधरभूत स्वास्थ्य उपचार केन्द्र दुई कठ्ठा क्षेत्रफलमा बनेको उक्त भवन ७० लाख ५४ हजारमा निमार्ण भएको हो । झापाको कनकाई ३ मा रहेको अस्रफुल कन्स्ट्रक्सन उद्योगले स्वास्थ्य केन्द्रको भवन निमार्ण गरेको छ ।
अब कटहरी गाउँपालिकामा १, ३ र ६ नम्बर वडामा रहेको स्वास्थ्य उपचार केन्द्रको मात्रै भवन निमार्ण हुन बाँकी रहेको छ । अन्य सबै वडाभित्र रहेको स्वास्थ्य उपचार केन्द्र आफ्नै भवनबाट सेवा सुचारु गरेको छ ।