विराटनगर । नेपाल घरेलु तथा साना उद्योग मोरङले उद्यमीहरुलाई एक दिने वित्तीय साक्षरता कार्यक्रम आयोजना गरेको छ । कुमारी बैंकसँगको सहकार्यमा बिहीबार विराटनगरमा उक्त कार्यक्रम आयोजना गरेको हो ।

मोरङ जिल्लाभरीका लघु तथा घरेलु साना उद्यमीहरुलाई लक्षित गरेर वित्तिय पहुचमा पुयाउन र वित्तिय सुशासन कायम गर्ने उद्देश्यले यस्तो कार्यक्रमको आयोजना गरिएको नेपाल घरेलु तथा साना उद्योग महासंघ मोरङका अध्यक्ष चेतन निरौलाले जानकारी दिए । ‘वैंकसँग विभिन्न गतिविहरु भइरहेको हुन्छ । काम गर्नेक्रममा विभिन्न खालका क्रुटिहरु पनि भएको हुन्छ । आगमी दिनमा गल्ती नगर्न वित्तिय साक्षरता कार्यक्रम गरिएको हो,’ अध्यक्ष निरौलाले भने । कार्यक्रममा २ सय बढी उद्यमीहरुको सहभागिता रहेको अध्यक्ष निरौलाले बताए ।
सोही अवसरमा महासंघले दशैं, तिहार र छठ पर्वको शुभकामना आदन प्रदान कार्यक्रम पनि आयोजना गरेको छ ।