विराटनगर । २५६८ औं बुद्ध जयन्तीको अवसर पारेर विराटनगरमा विभिन्न कार्यक्रम आयोजना गरी मनाएको छ ।
बुद्ध धर्मका प्रबर्तक बुद्धको जन्म जयन्ती बुद्ध पूर्णिमाका दिन मनाउने चलन छ ।

विराटनगरमा तमु ह्युल छोंज धी गुरूङ राष्ट्रि परिषद महानगर इकाई समिति, नेपाल तामाङ धेदुङ, नेपाल मगर संघ र नेपाल शेर्पा संघले दिउँसो वृहत ¥याली निकालेको छ । विराटनगर ७ हाटखोलामा भेला भएर उनीहरुले नगरको विभिन्न भाग परिक्रमा गरि महेन्द्र चोकमा कोणसभा गरी बुद्ध जयन्ती मनाएको हो ।

यसै अवसरमा लक्ष्य अर्चना पूजा र शान्ति र्याली गर्नुका साथै विशेष भजनकीर्तन तथा प्रवचन कार्यक्रमको आयोजना गरियो । कोणसभामा भगवान् बुद्धको शान्तिको सन्देशबारे प्रकाश पारेका थिए ।
कार्यक्रममा कोशी प्रदेशको समाजिक विकास मन्त्री पाँचकर्ण राईले बुद्धको सन्देश व्यवहारमा उतार्नेतर्फ सबै लाग्नु पर्नेमा जोड दिएका थिए । सो कार्यक्रमको संयोजमा राम तामाङ र सह–संयोजकमा राजेश गुरुङ रहेका थिए ।