आईपीएल : दिल्लीलाई पहिलो पटक फाइनल पुग्ने मौका - News Birat

आईपीएल : दिल्लीलाई पहिलो पटक फाइनल पुग्ने मौका

न्यूज विराट

एजेन्सी, २० कात्तिक-यूएईमा जारी १३ औँ सिजनको आईपीएलको पहिलो क्वालिफायरमा आज गत सिजन विजेता मुम्बई इण्डियन्स र दिल्ली क्यापिटल्स खेल्दै छन् । दिल्ली र मुम्बईबीचको खेल नेपाली समयअनुसार आज साँझ ७ः४५ बजेदेखि दुबईमा सुरु हुनेछ ।

जारी सिजनमा मुम्बई लिग चरणमा १४ मध्ये ९ म्याच जितेर प्लेअफ प्रवेश गरेको हो । त्यस्तै, दिल्ली १४ मा ८ म्याचमा जित हासिल गर्दै दोस्रो स्थानका साथ प्लेअफमा प्रवेश गर्न सफल भयो ।

आज विजयी हुने टिम सिधै फाइनल प्रवेश गर्नेछ । पराजित हुने टिमले इलिमिनेटरमा विजयीसँग खेल्ने मौका पाउने छ । लिग चरणको अन्तिम खेलमा दिल्लीले रोयल च्यालेन्जर्स बैंग्लोर (आरसीबी) लाई ९ विकेटले हराएको थियो । मुम्बई भने सनराइजर्स हैदराबादविरुद्ध १० विकेटले पराजित भएको थियो ।

हालसम्म मुम्बईले सर्वाधिक चार पटक आईपीएल उपाधि जितेको छ । तर, दिल्ली भने अहिलेसम्म एक पटक पनि फाइनलसम्म पुग्न सकेको छैन ।

मुम्बईको सम्भावित प्लेइङ- ११ : क्विन्टन डिकक, इशान किशन, सूर्यकुमार यादव, सौरभ तिवारी, किरण पोलार्ड (कप्तान), हार्दिक पाण्ड्या, कृणाल पांड्या, राहुल चहर, जेम्स प्याटिनसन, ट्रेन्ट बाउल्ट र जसप्रीत बुमराह ।

दिल्लीको सम्भावित प्लेइङ- ११ : शिखर धवन, पृथ्वी शा, अजिंक्य रहाणे, श्रेयस अय्यर (कप्तान), ऋषभ पन्त, मार्कस स्टोइनिस अक्क्षर पटेल, कागिसो रबाडा, रविचन्द्रन अश्विन, डानियल साम्स र एनरिच नोर्टजे ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles