विराटनगर । लुम्बिनीको नवालपरासीमा चैत्र २० गतेबाट सुरू हुने राष्ट्रिय कवडी प्रतियोगिता खेल्न जाने कोशी प्रदेशका खेलाडीहरुलाई विदाइ गरेको छ ।

मोरङको बुढीगंगा गाउँपालिका आइतबार एक कार्यक्रम आयोजना गरी राष्ट्रिय कवडी प्रतियोगितामा भाग लिन जाने १२ जना खेलाडीहरुलाई विदाइ गरिएको हो ।

कोशी प्रदेशबाट कप्तान खगेन्द्र गुप्ता, मोहमद शहमद, अनिस यादव, किरण राजवंशी, उत्सव केसी, रोहित यादव, अशिम काजी, शैलेस राय, सुदिप मगर, पूजन चौधरी, देव प्रधान, अनुप दर्जीसहित टिमको मेनेजर उपेन्द्र यादव र प्रशिक्षक प्रलाद गुरुङ पनि गएका छन् ।

कवडी संघ कोशी प्रदेशको आयोजनामा उक्त प्रतियोगितामा भाग लिन जाने खेलाडीहरुलाई विदाई गरे । कार्यक्रममा राष्ट्रिय खेलकुद परीषद्का पूर्व केन्द्रीय सदस्य किरण गिरी, कवडी संघ कोशी प्रदेशका अध्यक्ष भुवनेश्वर मण्डल, केन्द्रीय सदस्य उमालाल यादव, खेलकुदका रीता न्यौपाने र राधा आचार्यले फुलको माला र अविर लगाएर खेलाडीहरुलाई विदाइ गरे । कार्यक्रममा बोल्दै राष्ट्रिय खेलकुद परीषद्का पूर्व सदस्य किरण गिरीले खेलाडीहरुलाई पदक जितेर ल्याउन शुभकामना दिए । उनले पदक जित्दै राष्ट्रिय खेलाडी बन्ने तरिकाले प्रर्दशनी गर्न खेलाडीहरुलाई सफलताको शुभकामना दिए ।
राष्ट्रिय प्रतियोगिता खेल्न कवडीका खेलाडीहरु आइतबारनै लुम्बिनीतर्फ प्रस्थान गरेका छन् ।