नेपाली कांग्रेसका महामन्त्री विश्वप्रकाश शर्माले नेकांबाट विजयी स्थानीय तहका जनप्रतिनिधिहरुले जनतासंगको सम्बन्धलाई वलियो बनाउने पर्ने बताउनु भयो ।

नेपाल डेमोक्रेटिक लयर्स एशोसियशन मोरङद्वरा आज यहाँ आयोजित प्रदेशस्तरीय स्थानीय तहमा कानूनी तथा वित्तिय सुशनासन सम्वन्धी अन्तरक्रिया कार्यक्रमको आज उद्घाटन गर्दै उहाँले स्थानीय निकायका नेकांका ३३२ प्रमुखहरुले संगठीत रुपमा जनतको कार्य गरि पार्टीलाई वलियो बनाउनु पर्नेमा जोड दिनु भयो ।

महामन्त्री शर्माले लोकतान्त्रिक प्रणाली प्रतिको जनताको विश्वासलाई घनिभुत बनाउन जनप्रतिनिधिहरुको ठूलो भूमिका रहेको चर्चा गर्नु भयो ।

उहाँले  स्थानीय निकायले प्राप्त अधिकारलाई सर्तकताका साथ नागरिकको हितका लागि प्रयोग गर्न आग्रह गर्नु भयो ।

महामन्त्री शर्माले लोकतन्त्रमा लोकतन्त्रको विरुद्ध सडकमा प्रदर्शन गर्न पाउनु नै सबै भन्दा सुन्दर पक्ष भएको चर्चा गर्नु भयो ।

उहाँले अहिले हाम्रो ध्यान मुख्य रुपमा भूकम्पबाट पीडितहरुका लागि  अस्थायी टहरा निर्माण  एवं न्यानो कपडा व्यवस्था गर्नुपर्ने बताउनु भयो ।

नेका केन्द्रीय सदस्यत्रय डा डिला संग्रैला, सरिता प्रसाई र  भीम पराजुलीले लोकतन्त्रको जग स्थानीय तह भएकोले जनप्रतिहरुलाई कानूनी अडचनका विषयहरुमा जानकारी दिनु पर्ने सुझाव दिनु भयो ।

कोशी प्रदेश सभा सदस्य हिमाल कार्की,नेकां मोरङ उपसभापति भक्ति माझी,  गुरु घिमिरे,वरिष्ठ अधिवक्ता भरतबहादुृर थापा, समूहका मोरङ अधयक्ष डिल्लीप्रसाद दाहाल, कर्णाली प्रदेका अध्यक्ष पदमबहादुर शाही ,केन्द्रीय उपाध्यक्ष कविता वस्नेतले स्थानीय तहको कानून समस्या समाधान गर्न कार्यक्रमको आयोजना गरिएको जानकारी दिनु भयो ।