काँग्रेसको बलियो साथले सरकार भ्रष्टाचार विरुद्ध खरो उत्रियो : देउवा

 न्यूज विराट
काँग्रेसको बलियो साथले सरकार भ्रष्टाचार विरुद्ध खरो उत्रियो : देउवा

विराटनगर । नेपाली काँग्रेसका सभापति तथा पूर्वप्रधानमन्त्री शेरबहादुर देउवाले काँग्रेसको बलियो साथ रहेकोले नै सरकार भ्रष्टाचार विरुद्ध खरो रुपमा उत्रिएको बताएका छन् ।

सुनसरीको इनरुवामा आज आयोजित काँग्रेसको जिल्ला सम्मेलन उद्घाटन समारोहमा बोल्दै देउवाले गठबन्धन सरकारले भ्रष्टाचारको विषयमा सशक्त काम गरिरहेकोले अझै गठबन्धन बलियो बनाएर लैजाने बताए ।

‘ललिता निवास काण्ड होस् या नक्कली भुटानी शरणार्थी काण्डको विषयमा होस् सरकार सशक्त ढंगले अगाडि बढिरहेको छ । काँग्रेसले साथ दिएकै कारण प्रचण्ड नेतृत्वको सरकार सशक्त ढंगले अगाडि बढ्न सकेको हो,’ उनले भने, ‘गठबन्धन सरकारलाई दह्रो साथ दिन काँग्रेस अगाडि बढिहरेको छ ।’

लोकतन्त्र र स्थायीत्वको लागि अझै पनि माओवादीसँग सहकार्य आवश्यक भएकोमा जोड दिँदै देउवाले संघीय व्यवस्था बलियो बनाउन गठबन्धन अग्रसर रहेको बताए । ‘अहिलेको व्यवस्थालाई बलियो बनाउ प्रचण्डजीलाई हामीले प्रधानमन्त्री मानेका छौं,’ उनले भने, ‘अहिले स्थायी शान्ति आवश्यक छ । स्थायी लोकतन्त्र आवश्यक छ । त्यसका लागि प्रचण्डजी र माओवादी प्रतिबद्ध रहनुभएकोले साथ दिएका हौं ।’

अहिले काँग्रेसभित्र एकता हुन जरुरी रहेको बताउँदै देउवाले सुदृढ र एकताबद्ध भए आगामी निर्वाचनमा बहुमत ल्याउन सकिने दावी गरे । ‘पार्टीभित्र सानातिना मतभेद हुन्छन्, हाम्रोमा पनि छ र अरुतिर पनि छ’ उनले भने, ‘तर, कांग्रेसले आन्तरिक एकतालाई मजुबत बनाएर अघि बढ्नसक्नुपर्छ ।’

फरक प्रसंगमा उनले कुनै अमुक ठाउँबाट एक्कासी उदाएको राष्ट्रिष्य स्वतन्त्र पार्टी त्यस्तै तरिकाले समाप्त हुने दाबी गरे । ‘भ्रष्टाचारको विषय उठाएर उदाएको पार्टीले भ्रष्टाचारको विरुद्धमा सरकार लागिरहँदा समर्थन दिनको सट्टा समर्थन फिर्ता लिएर वार्दलीको मतियार किन बनिरहेको छ’ उनको प्रश्न थियो, ‘कस्मेटिक जस्ता देखिने पार्टीका साथीहरु यसरी नै विलिन हुनेछन् । काँग्रेस आदर्शबाट जन्मिएको पार्टी भएको कारण निरन्तर रहिरहने छ ।’

सम्मेलनमा काँग्रेसका उपसभापति भीष्मराज आङ्देम्बेले कोशीप्रदेशमाचलिरहेको आन्दोलनलाई सहमति गराएर अगाडि बढ्नुपर्ने बताएका छन् । ‘राजनीतिक सहमतिबाहेक अर्को विकल्प छैन । जुनसुकै तहबाट गरिएका आन्दोलनबाट निष्कर्ष प्राप्त हुन सक्दैन’ उनले भने, ‘कोशी प्रदेशमा काँग्रेसले नेतृत्व गरेको सरकारले फेरि पनि वार्तामार्फत नै समाधान गर्नुपर्दछ ।’

सम्बन्धित समाचार

तिब्बत सरकारबाट सात करोड भन्दा बढीको स्वास्थ्य सामग्री सहयोग

विराटनगर, जेठ २०–कोभिड–१९ को उपचार, रोकथाम एवं नियन्त्रणमा तिब्बत सरकारबाट सहयोगमा स्वास्थ्य सामग्री आज यहाँ प्राप्त भएको छ । सो सामग्री चीन नेपाल कार्यकारी परिषद् प्रदेश नं.१ का संयोजक मुकेश उपाध्यायले मुख्यमन्त्री शेरधन राईलाई एक...

सबै सुरक्षा अंग ‘हाई अलर्ट’मा

कोरोना (कोभिड–१९) संक्रमित बिरामी भेटिएपछि पुरै देश ‘लकडाउन’ भएलगत्तै सबै सुरक्षा अंग हाई अलर्टमा बसेका छन् ।सरकारले कोरोना संक्रमित बिरामी फेला परेलगत्तै नेपाली सेना, नेपाल प्रहरी र सशस्त्र प्रहरीलाई हाई अलर्टमा रहन निर्देशन दिइसकेको छ...

१२ वर्षीय बालकलाई अप्राकृतिक मैथुन गर्ने राजेन्द्र ढकाल जेल चलान

विराटनगर । अप्राकृतिक मैथुन गरेको आरोपमा पक्राउ परेका गैर सरकारी संस्था महासंघ (गैसस) मोरङका अध्यक्ष राजेन्द्र ढकाल पुर्पक्षको लागि जेल चलान भएका छन् । जिल्ला अदालत मोरङका न्यायाधीश गायत्रीप्रसाद रेग्मीको इजलासले बुधबार विराटनगर घर भएका...

५८० वर्षपछि भोलि लाग्दै छ सबैभन्दा लामो चन्द्र ग्रहण

काठमाडौँ, २ मंसिर । आगामी मंसिर ३ गते करिब ६ शताब्दी यताकै सबैभन्दा लामो अवधिसम्म चन्द्र ग्रहण लाग्दै छ । नोभेम्बर १९ मा लाग्ने यो चन्द्र ग्रहण सन् २०२१ को अन्तिम चन्द्र ग्रहण हुनेछ ।...

बहराइनमा २४५ नेपालीमा कोरोना संक्रमण

काठमाडौं, २४ वैशाख-नेपालीको प्रमुख श्रम गन्तव्य रहेको बहराइनमा हालसम्म २४५ नेपालीमा कोरोना संक्रमण पुष्टि भएको छ । मनमास्थित नेपाली दूतावासका अनुसार पछिल्लो १ साताको अवधिमा ८८ नेपालीमा कोरोना संक्रमणण पुष्टि भएको छ । यही १९...

बुढीगंगामा फेरि गाेली चल्याे

बाजुराको बुढीगंगा नगरपालिकामा जारी मतदानका क्रममा आज पनि प्रहरीले हवाई फायर गरेकाे छ । मतदानकाे क्रममा विवाद चर्केपछि स्थिति नियन्त्रणमा लिन प्रहरीले हवाई फायर गरेकाे हाे । बाजुराका सहायक प्रमुख जिल्ला अधिकारी लाेकेन्द्रबहादुर विष्टले अप्रिय घटना...

गच्छदारनिकट ११ नेता कांग्रेस केन्द्रीय सदस्यमा मनोनीत

काठमाडौं, फागुन २३–नेपाली कांग्रेसका सभापति शेरबहादुर देउवाले पार्टी उपसभापति विजय गच्छदारनिकट ११ जना नेतालाई केन्द्रीय सदस्यमा मनोनयन गरेका छन् । गच्छदार नेतृत्वको तत्कालीन नेपाल लोकतान्त्रिक फोरमका सांगठनिक संरचना समायोजन गर्न यसअघि भएको सहमतिअनुसार देउवाले शुक्रबार...

लेखा परीक्षक घिमिरेको मृत्यु प्रकरणमा प्रहरी अनुसन्धान फितलो भएको आफन्तको गुनासो

विराटनग, माघ १३-सिंघीया खोलामा मृत भेटिएका विराटनगरका लेखा परीक्षक प्रबल घिमिरेको मृत्यु प्रकरणमा प्रहरी अनुसन्धान प्रभावकारी रुपले अघि नबढेको आफन्तले गुनासो गरेका छन् । घटनाको एकसाता बित्न लाग्दासमेत मृत्युको रहस्य खुल्न नसक्नु आश्चर्यजनक रहेको उनीहरुको...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्