विराटनगर, २ मंसिर । प्रदेश १ सरकारले बजेट परिमार्जन गर्ने भएको छ । अघिल्लो सरकारले ल्याएको बजेट गठबन्धन सरकारले परिमार्जन गर्न लागेको हो ।
बिहीबार पत्रकार सम्मेलन गर्दै प्रदेशका आर्थिक मामिला तथा योजनामन्त्री इन्द्र आङ्बोले अघिल्लो सरकारले ल्याएको बजेट परिमार्जन गरिने बताए ।
बिहीबार मन्त्रालयमा पत्रकार सम्मेलन गर्दै आङ्बोले बजेट पुनरावलोकन गरिए पनि मुख्यमन्त्री शेरधन राई नेतृत्वको सरकारले अघि बढाएका परिणाममुखी आयोजनाहरूलाई भने निरन्तरता दिइने बताए ।
बजेट पुनारावलोकनमा अनुत्पादक क्षेत्रको बजेट कटौति गर्दै प्राथमिकताका आधारमा नयाँ योजना समावेश गरिने जानकारी दिए ।
