विराटनगर । विराटनगरस्थित कान्तिपुर कलेजमा कक्षा ११ मा भर्ना हुनको लागि प्रवेश परीक्षा लिएको छ । कक्षा ११ मा विज्ञान, व्यवस्थापन, होटल व्यवस्थापन अध्ययन गर्नको लागि कान्तिपुर कलेजमा विद्याथीहरुको बुधबार प्रवेश परीक्षा लिएको हो ।

८५० जनाको कोटामा १ हजार ४ सय ३५ जना विद्यार्थीले कान्तिपुर कलेजमा प्रवेश परीक्षा दिएको कलेजका प्रिन्सिपल भुवन नेपालले जानकारी दिए । कान्तिपुरमा विज्ञान संकायमा ३५०, व्यवस्थापनमा ३५० र होटल व्यवस्थापनमा १५० जनाको कोटा रहेको छ ।

विद्यार्थीको चाप बढेपछि विद्यालयले नयाँ भर्ना हुने विद्यार्थी संख्याको सीमा तोकेर प्रवेश परीक्षा लिन थालेका छन् । सक्षम नेतृत्व, कुशल व्यवस्थापन र मेहनती शिक्षक शिक्षिकाहरुका कारण कान्तिपुरमा छोराछोरी पढाउने धेरै अभिभावक लालायित हुने गरेका छन् ।