राशिफल

सुनवर्षीमा आधारभूत पत्रकारिता तालिम सम्पन्न

 न्यूज विराट
सुनवर्षीमा आधारभूत पत्रकारिता तालिम सम्पन्न

विराटनगर, २१ पुस । मोरङको सुनवर्षी नगरपालिकामा लक्षित बर्गका युवाहरुका लागि तीन दिने आभारभूत पत्रकारिता तालिम सम्पन्न भएको छ । सुनवर्षी नगरपालिकाको सहयोगमा सञ्चारकर्मी मिडिया प्रा.लि. विराटनगरको आयोजनामा तीन दिने आधारभूत पत्रकारिता तालिम सम्पन्न भएको हो ।

तालिमको समापन कार्यक्रममा बोल्दै प्रमुख अतिथी सुनवर्षी नगरपालिकाका मेयर कालीप्रसाद दासले पत्रकारिता क्षेत्रमा प्रवेश गर्न लागेका प्रशिक्षर्थी पत्रकारहरुले तथ्यका आधारमा कलम चलाउनु पर्नेमा जोड दिए ।

उनले जनप्रतिनिधिहरुलाई पनि पत्रकारले खबरदारी गर्नुपर्ने बताए । मेयर दासले ग्रामिण क्षेत्र पत्रकारिताको पहुँचमा नपुगेकाले स्थानीयस्तरमा पत्रकार उत्पादन गर्ने उद्देश्यले पत्रकारिता तालिम आयोजना गरिएको बताए । उनले ‘हचुवा’ को भरमा समाचार नलेखी तथ्य जाँच गरेर मात्र कलम चलाउन प्रशिक्षर्थी पत्रकारहरुलाई आग्रह गरे ।

मेयर दासले तालिम अत्यन्त व्यवस्थित ढंगले सञ्चालन भएको बताए । उनले आयोजकले थोरै समयमा पनि प्रशिक्षर्थीलाई धेरैकुरा सिकाएको बताउँदै तालिमका लागि तीन दिन कम भएको आफूले महसुस गरेको बताए । उनले नगरपालिकाले थप बजेट उपलब्ध गराउने घोषणा गर्दै अझ दुई दिन तालिम थप गर्न निर्देशन दिए ।थप भएको दुई दिने तालिमबाट उत्कृष्ट हुने तीन जनालाई नगरपालिकाले विषेश सहयोग गर्ने समेत मेयर दासले घोषणा गरे ।

कार्यक्रममा सुनवर्षी नगरपालिकाकी उपमेयर मञ्जु राईले जनप्रतिनिधिहरुले पनि पत्रकारिताबारे बुझ्न तालिममा सहभागी हुनुपर्ने आफूले महसुस गरेको बताइन् । उनले नगरमा सञ्चालित अन्य विभिन्न तालिम मध्ये पत्रकारिता तालिम सञ्चालन गरेर नगरपालिकाले सही निर्णय गरेको अभाष भएको बताइन् ।

समापन कार्यक्रममा बोल्दै सहभागी चन्द्रबहादुर पाण्डे र रुक्मणीकुमारी झाले तीन दिने तालिमबाट सामान्य समाचार लेखन शिपसँगै पत्रकारिताको विषयमा धेरै कुरा सिक्न सकेको बताए । उनीहरुले अब माथिल्लो लेभलको तालिम लिँदै पत्रकारिता क्षेत्रमा प्रवेश गर्ने सोच बनाएकोसमेत बताए ।

कार्यक्रममा सुनवर्षी नगरपालिकाका शिप विकास प्रमुख प्रभू झाले थप दुई दिने तालिमका लागि शिप विकास शाखा मार्फत बजेट उपलब्ध गराइने बताए । समापन कार्यक्रममा सुनवर्षी नगरपालिका–५ का वडाध्यक्ष राजेन्द्र दास, वडा नं. ९ का वडा सदस्य मुस्ताक, मेयर दासका स्वकिय सचिव सुवोध दासलगायतले प्रशिक्षर्थी पत्रकारहरुलाई शुभकामना दिए ।

तालिमका प्रशिक्षार्थीलाई मेयर दास, उपमेयर मञ्जु राई, प्रशिक्षक विरेन्द्रमार साह, सुनवर्षी नगरपालिका–५ का वडाध्यक्ष राजेन्द्र दास, वडा नं. ९ का वडा सदस्य मुस्ताकलगायतले प्रमाणपत्र वितरण गरेका थिए ।

तालिममा सुनवर्षी नगररपालिकाका ९ वटै वडाबाट तीन÷तीन जना युवायुवतीहरुको सहभागिता रहेको आयोजक सञ्चारकर्मी मिडिया प्रा.लिले जनाएको छ । तालिमका सहभागीलाई ९ वटै वडा कार्यायले छनौट गरि पठाएको आयोजक संस्थाका सदस्य सन्तोष बास्तोलाले जानकारी दिए ।

तीन दिने तालिममा वरिष्ठ पत्रकार कुमोद अधिकारी, एभिन्यूज टेलिभिजनका संवाददाता विरेन्द्रकुमार साहलगायतले प्रशिक्षण दिएका थिए । समापनमा प्रमुख अथितीलगायत अतिथीहरुलाई मायाको चिनोसमेत वितरण गरिएको थियो ।

सम्बन्धित समाचार

मोरङमा ५.९५ प्रतिशत मत बदर, कुन क्षेत्रमा कति बदर ? (सुचिसहित)?

विराटनगर । मंसिर ४ गते भएको प्रतिनिधि र प्रदेश सभाको निर्वाचनमा मोरङमा ५.९५ प्रतिशत मत बदर भएको छ । मोरङमा ४ लाख ८५ हजार ४९९ मत अर्थात ६६.१ प्रतिशत मत खसेको मध्ये १८ हजार ८६५...

हाड जोर्नीको उपचारमा आर्या न्यूरो अब्बल, जोर्नी प्रत्यारोपण देखि हाड जोड्नेसम्मको उपचार

विराटनगर । विराटनगर ३ कन्चनबारी स्थित आर्या न्यूरो अस्पताल हाडजोर्नी सम्बन्धी रोगको उपचारका लागि भरपर्दो गन्तव्य बनेको छ । अत्याधुनिक उपकरण र चर्चित वरिष्ठ हाडजोर्नी विशेषज्ञ चिकित्सक सहितको टिम दुवैको संयोजन मिलेका कारण आर्या न्यूरोमा...

मोरङको कटहरीमा सोमबार रोजगार मेला, १२ सय बढीले रोजागरी पाउने

विराटनगर । मोरङको कटहरी गाउँपालिका १ फलफूल तथा कृषि थोक बजारमा रोजगार मेला हुने भएको छ ।सोमबार विहान ९ बजेबाट साझ ४ बजेसम्म रोजगार मेला सुरु हुने भएको हो । कटहरी गाउँपालिका, उद्योग वाणिज्य महासंघ...

सुनिल शर्माले प्रतिवद्धता पुरा गर्दै, नोबेलमा ५० शैय्याको निःशुल्क क्याविन संचालन

विराटनगर । मोरङ ३ मा मतदातामाझ गरेको वाचा पूरा गर्दै नेपाली कांग्रेसका डा. सुनिल शर्मा जितलगत्तै एक्सनमा उत्रिएका छन् ।निर्वाचनमा आफूले गरेको प्रतिवद्धताअनुसार उनले नोबेल शिक्षण अस्पताल विराटनगरमा निःशुल्क क्याबिन सेवाको उद्घाटन गरेका हुन् ।चुनावमा...