विराटनगर । नेपाल वादोरियो कराते डो संघ कोशी प्रदेश गठन भएको छ । विराटनगरमा आइतबार एक कार्यक्रम आयोजना गरी कराते डो संघ गठन गरेको हो ।

नेपाल वादोरियो कराते डो संघ कोशी प्रदेशको अध्यक्षमा राजन कडेल निर्विरोध निर्वाचित भएका छन् । उपाध्यक्षमा पुष्पधन शाक्य, सचिब राजु धमला, र कोषाध्यक्षमा दुर्गा चरण राजवंशी रहेका छन् ।

समितिको अन्य सदस्यहरुमा विमला नेपाल, राम गुरुङ्ग, अनिल कुमार राजवंशी, दिपेश कोइराला, सुरेश भट्टराई, हिरा कुमारी थापा मगर र सुजन आचार्य रहेका छन् ।
कार्यक्रमको प्रमुख अतिथि प्रदेश खेलकुद विकास बोर्डका उपाध्यक्ष जिनाजंग कार्की रहेकी थिइन् । उनले खेलकुद क्षेत्रको विकासमा प्रदेश खेलकुद विकास बोर्ड लागि परेको बताइन् ।