सुर्खेत, १४ जेठ-पश्चिम रुकुमको चौरजहारी नगरपालिका–८ सोतीमा भएको घटनामा बेपत्ता भएका एक जनाको शव फेला परेको छ । सशस्त्र प्रहरीको गोताखोर टोलीले जाजरकोटको भेरी नगरपालिका-९ का १८ वर्षीय लोकेन्द्र सुनारको शव फेला पारेको हो ।
लोकेन्द्रको शव घटनास्थलभन्दा करिब ७ किलोमिटर पर चौरजहारी नगरपालिका-१ अधेरेस्थित भेरी नदीमा भेटिएको सशस्त्र प्रहरी बलले जनाएको छ ।
सुनारको शव चार दिनपछि भेटिएको हो । अझै यस घटनामा बेपत्ता भएको २ जनाको खोजी कार्य जारी रहेको जिल्ला प्रहरी कार्यालय रुकुम पश्चिमले जनाएको छ । गोताखोरले बुधबारदेखि बेपत्ताको खोजी सुरु गरेको थियो ।