विराटनगर । विराटनगरका ब्युटिसियनहरूलाई एक दिने बेरिना हेयर टेक्निकल तालिम दिएको छ । राष्ट्रिय सौन्दर्यकर्मी युनियन नेपाल विराटनगर नगर कमिटिले मंगलबार हेयर कटिङ्ग सम्बन्धी तालिम दिएको हो ।

तालिममा विराटनगरका ८६ जना ब्युटिसियनहरुको सहभागि रहेको राष्ट्रिय सौन्दर्यकर्मी युनियन नेपाल विराटनगरकी अध्यक्ष भली सुब्बा गुरूङ्गले जानकारी दिइन् ।

ब्युटिसियनहरुको क्षमता अभिवृद्धी गर्दै हेयर सम्बन्धी नयाँ टेक्निकल कुराको जानकारी दिने उद्देश्यले बेरिना हेयर टेक्निकल सेमिनर आयोजना गरिएको उनले बताइन् । सेमिनरको सहजिकरण हबिज फेयर ब्युटि सैलुनका हेयर एक्सपट कृष्ण पन्थिले गरेका थिए ।

कार्यक्रममा राष्ट्रिय सौन्दर्यकर्मी युनियन नेपालकी उपमहासचिब ममता प्रधानले तालिममा सिकेको ज्ञान व्यवर्हारमा उतार्नुपर्नेमा जोड दिइन् । बेरीना कम्पनीकी मेनेजर सुमा चित्रकारले हेयरको नयाँ टेक्निकल बारेमा तालिममा सिकेको ज्ञान दैनिक जिवनमा उतार्नुपर्ने बताइन् । उक्त कार्यक्रममा सहयोग बेरीना कम्पनीले गरेको थियो ।

राष्ट्रिय सौन्दर्यकर्मी युनियन नेपाल विराटनगरकी उपाध्यक्ष सरीता राईले स्वागत मन्तब्य राखेकी थिइन् भने कार्यक्रम संचालन सचिब बसन्त कुमारी गुरूङले गरेकी थिइन् ।