विराटनगर । विराटनगरस्थित मेरील्याण्ड कलेजका रमननाथ गिरीले मिस्टर एण्ड मिस पुर्वाञ्चल प्रतियोगिताको उपाधि जितेका छन् । मेरील्याण्ड कलेजमा कक्षा–१२ मा अध्यररत छात्र गिरी विराटनगरमा सम्पन्न भएको मिस्टर पुर्वाञ्चलको उपाधि जित्न सफल भएका हुन् ।

उनले उपाधिसँग नगद ३१ हजार रुपैयाँ र विभिन्न गिफट ह्याम्पर प्राप्त गरे । प्रतियोगितामा सुशील राना फस्ट नरअप र दिप राजवंशी सकेण्ड रनरअप भए ।

विजय पछि खुशी ब्यक्त गर्दै रमनले मेरो सफलतामा कलेजको ठुलो योगदान रहेको बताए । उनी पढाइसँग अतिरिक्त क्रियाकलापहरुमा पनि रमन उत्कृष्ट रहेको कलेजका प्रिन्सिपल लक्षमण ढकालले बताए । रमनले विराट एक्सपोमा आयोजना गरीएको सिङगीङ्ग आइडल प्रतियोगितामा पनि तेश्रो भएर नगद १५ हजार रुपैयाँ जितेका थिए ।

मेरिल्याण्ड कलेजका छात्र प्रियम अग्रवालले सीएको इन्टरमेडीएट लेभेल (भारत ) मा दुईवटै यूके एकैचोटीमा ७० प्रतिशत अंक ल्याएर सफल भएका छन् । त्यस्तै भारतको सिलिगुडीको परीक्षा केन्द्र मा ३ हजार भन्दा बढी विधार्थीहरुले परीक्षा दिएकोमा अग्रवाल दोश्रो स्थान प्राप्त गर्न सफल भएका छन । अतिरिक्त क्रियाकलपासँगै व्यवस्थापन शिक्षामा मेरिल्याण्ड कलेज कोशी प्रदेशकै एक अब्बल शैक्षिक संस्थामा रुपमा पनि चिनिदै आएको छ ।