प्रदेश १ मा आज १३ संक्रमित थपिए, १३९ डिस्चार्ज - News Birat

प्रदेश १ मा आज १३ संक्रमित थपिए, १३९ डिस्चार्ज

न्यूज विराट

विराटनगर, ११ पुस-प्रदेश १ मा शनिबार एक सय ३९ जना डिस्चार्ज भएका छन् । डिस्चार्ज हुने सवै होम आईसोलेसनका रहेका छन् । हालसम्म २६ हजार ८४९ जना संक्रमणमुक्त भएका छन् ।

प्रदेश १ मा शनिबार १३ जना कोरोना संक्रमित थपिएका छन् । झापामा ५, मोरङमा चार, धनकुटामा तीन र सोलुखुम्वुमा एक जना रहेको सामाजिक विकास मन्त्रालयले जनाएको छ ।

झापाको विर्तामोडमा पाँच, मोरङको कानेपोखरीमा तीन, बुढीगंगामा एक, धनकुटाको धनकुटा नगरपालिका र सोलुखुम्वुमा एक जनामा संक्रमण देखिएको हो । योसँगै हालसम्म संक्रमित हुनेको संख्या २९ हजार ६ सय २७ पुगेको छ ।

प्रदेश १ मा शनिबार १ सय ६९ जनाको पीसीआर परीक्षण गरिएको छ । परीक्षण गरिएका मध्ये ८ महिला र ५ पुरुषको रिपोर्ट पोजिटिभ आएको हो । हालसम्म २ लाख ६ हजार ८९३ जनाको पीसीआर परीक्षण गरिएको मन्त्रालयले जनाएको छ ।

प्रदेश १ मा हालसम्म कोरोना भाईरसको संक्रमणका कारण चार सय ५९ पुगेको छ । जसमध्ये ५ महिला र २५ पुरुष प्रदेश १ बाहिरका रहेको मन्त्रालयले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles