विराटनगरका क्लिनिकको ठगीधन्दा : चर्चित चिकित्सकको नाम बेच्दै बिरामी ठग्दैं

 न्यूज विराट
विराटनगरका क्लिनिकको ठगीधन्दा : चर्चित चिकित्सकको नाम बेच्दै बिरामी ठग्दैं

विराटनगर । खोटाङको दिक्तेल नगरपालिका–२ घर भएकी ३६ वर्षीया धनकुमारी श्रेष्ठको टाउकोमा समस्या भएपछि उपचारको लागि विराटनगर आइन् । मंगलबार दिउँसो विराटनगर आएकी उनले यसअघि पनि विराटनगरस्थित न्यूरो हस्पिटलको वरिष्ठ न्यूरो सर्जन डा यामबहादुर रोकासँग उपचार गरेकी थिइन् । डा. रोकासँग उपचार गरेपछि उनको स्वास्थ्यमा सुधार आएको थियो । त्यहीकारण उनी फ्लोअपको लागि बहिनी सुनसरीका इटहरी–२० तरहराकी बिनिता श्रेष्ठसँगै आएर डा .रोकालाई देखाएर स्वास्थ्य उपचार गर्ने योजना बनाएर विराटनगरको महेन्द्रचौकमा उत्रिन् । उनीहरू सिटी रिक्सा चढे र न्यूरो हस्पिटल लगिदिनु भने । तर, कमिसन खान पल्किएका सिटीले न्यूरो हस्पिटलदेखि करिब एक किलोमिटर उत्तरमा रहेको घोगापुलचौकमा रहेको शुभ स्वस्तिक पोलीक्लिनिकमा पु¥याइदिए ।

क्लिनिक पुग्ने बितिक्कै काउन्टरमा बसेका कर्मचारीलाई सोधिन्, ‘यहाँ डाक्टर यामबहादुर रोका बस्नुहुन्छ ।’ काउण्टरका कर्मचारीले बस्ने जवाफ दिए । पूर्जी काट्न लगाए । उनले एक हजार रुपैयाँ दिइन् । पाँच सय रुपैयाँ फिर्ता दिए । त्यसपछि डा। रोकाको पर्खाइमा बसिन् । तर, धनकुमारी त्यतिबेला झसंग भइन्, जब एक घण्टापछि उनलाई हेर्ने चिकित्सक अर्कै थिए । ‘मैले पहिला देखाएको उहाँ त होइन्,’ धनकुमारीले भनिन्, ‘म उहाँलाई देखाउँदिन भन्न थाले ।’ त्यसपछि क्लिनिकका कर्मचारीले डा. रोका शल्यक्रियामा हुनुहुन्छ भन्दै ढाँटे । ‘अहिले यही क्लिनिकमा भएको डाक्टरसँग चेकअप गर्नु,’ उनीहरुले भने, ‘पछि रिपोर्ट आएर डाक्टर रोका सापले हेरिदिनुहुन्छ भन्नुभयो ।’ त्यसपछि ५ हजार ३ सय रुपैयाँको विभिन्न परीक्षण लेखाइदिए । ‘त्यो ल्याबको पनि पैसाँ दिए,’ धनकुमारीले थपिन्, ‘क्लिनिकमा बसेको घण्टौं भइसक्यो । तर, डाक्टर आउने कुनै छाटकाट देखिनँ ।’

केही बेरपछि उनले फेरि सोधिन्, ‘डाक्टर कहिले आउनुहुन्छ ? ’ कर्मचारीको फरक जवाफ आयो, ‘आज डाक्टर रोकाले अप्रेसन गर्दै हुनुहन्छ । उहाँ आउन पाउनुभएन । उहाँको सट्टामा अर्को चिकित्सकलाई देखाउनु ।’ क्लिनिकको कर्मचारीले अर्कै चिकित्सकलाई देखाउन भनेपछि पूर्जी काटेको र ल्याबको लागि लिएको लिएको रुपैयाँ लिएर न्युरो हस्पिटल खोजी गर्दै आइपुगेको उनले बताइन् ।

‘न्यूरो हस्पिटल आएपछि काउन्टरमा आएर डाक्टर रोका यही बस्नुहुन्छ भनेर सोध्दा पो थाहा पायौं । सिटी रिक्साले कमिसनको चक्करमा क्लिनीमा पुगेर ठगीनबाट बच्यौ,’ उनले लामो सुस्केरा तान्दैं भनिन् ।

ठगीबाट जोगिएकी बिरामी धनकुमारी श्रेष्ठ (बाँया) ।

यो त एक प्रतिनिधी उदाहरण मात्रै हो । अहिले विराटनगरमा नाम चलेको चर्चित चिकित्सकहरूको नाम बेच्दै बिरामीलाई ठगी गर्ने गरेको पाइएको छ । विशेषगरी च्याउसरी खुलेको हस्पिलट चौक र रंगेली रोडका निजी क्लिनिकहरू र केही नयाँ खुलेको हस्पिटलले पहाडबाट उपचारको लागि आएका बिरामी बाटैबाट हाइज्याक गर्ने गरेको पाइएको हो ।

बिरामी ठगीमा पर्ने गरेको जनगुनासो बढेपछि १ नं. प्रदेश प्रहरी कार्यालय विराटनगर र मोरङ प्रहरीले स्ट्रिङ अप्रेसन गरेर गत पुसमा कमिसनको लोभमा बिरामीलाई अन्यत्र अस्पताल र क्लिनिङमा पु¥याएर बिचौलियाको भूमिका खेल्ने दर्जन बढीलाई पक्राउ गरेर कारवाहीको दायरामा ल्याएको थियो । दर्जन बढी बिचौलियालाई प्रहरीले पक्राउ गर्दै ठगीमा मुद्दा दायर गरी कारवाहीको दायरामा ल्याएपछि केही हदसम्म यो समस्या न्यूनीकरण भएको थियो । तर, अहिले फेरि कमिसनको लोभमा बिरामी ठगी गर्ने विचौलियाहरू सलबलाएका छन् ।

पहाडी र ग्रामीण क्षेत्रबाट आएका बिरामी बढी बिचौलियाको फन्दामा पर्दा ठगीमा पर्ने गरेका छन् । उनीहरू बिरामी ठगी गर्न शनिमन्दिर चोक, रंगेली जाने बसपार्क हाटखोला, कन्चनबारी चोक, महेन्द्र चौकमा बस्ने गर्दछन् । यसबाहेक विराटनगरको हस्पिटल चोक, कोशी हस्पिटल अगाडि, गोल्डेन अस्पताल अगाडि, नोबेल अगाडि, विराट नर्सिङ होम र न्यूरो चोकमा बस्ने गरेका छन् । निजी क्लिनिकहरुले ३ देखि ५ जनासम्म दैनिक बिचौलिया खटाउने गरेका छन् । तराईको विभिन्न क्षेत्र र पहाडी जिल्लाबाट आएका गरिब तथा सोझा बिरामी र आफन्तलाई शनिमन्दिरमा सार्वजनिक यातायातबाट उत्रिएपछि बिचौलियाले खोजिरहन्छन् । तर, उनीहरुको उद्देश्य बिरामीको राम्रो उपचार होस्भन्दा पनि बढी कमिसन कसले दिन्छ र उनीहरुलाई बढी कसरी लुट्ने भन्ने हुन्छ । विराटनगरभित्र रहेका ठूला अस्पताल बाहिरका केही फार्मेसी संचालकहरूले कमिसन दिएरै बिचौलिया राख्ने गरेको पाइएको छ । विराटनगरको हस्पिटल चोकमा रहेको केही क्लिनिकहरुले धेरै बिचौलिया राखेको स्रोतको दाबी छ । बिचौलिया राखेका फार्मेसीले बिरामीलाई भ्रमित पारेर आफू अनुकूलको निजी अस्पताल, क्लिनिक र आफ्नै औषधी पसलमा ल्याउन उनीहरुलाई जिम्मा दिन्छन् । प्रहरीले यसअघि नोबेल मेडिकल कलेज बाहिरबाट ७ जना, कोशी अस्पताल अगाडिबाट तीन जना, केही दिनअगाडि अगाडि न्यूरो अस्पताल अगाडिबाट २ जना र विराट नर्सिङ होम अगाडिबाट पाँच गरी १७ जना बिचौलियालाई पक्राउ गरिसकेको छ ।

प्रहरीकाअनुसार पक्राउ परेका उनीहरु सबै फार्मेसीका कामदारहरु हुन् । एक जना बिरामीलाई सम्पर्कमा रहेको क्लिनिक र अस्पताल पु¥याउँदा विचौलियाले हजार रुपैयाँसम्म दिने गर्दछन् । जति बढी बिरामीले औषधी, ल्याबमा परीक्षण गरे । त्यहीअनुसार बिरामीबाट असुल भएको रकम हेरेर पनि विचौलियालाई पैसा दिने गरेको स्वास्थ्य क्षेत्रमै काम गरिरहेका एक जनाले नाम नबताउने सर्तमा बताए । ‘बिचौलियाले हस्पिटल चोक र रंगेली लाइनमा रहेका निजी क्लिनिकहरुसँग कतिसम्म सम्झौता गरेका हुन्छन् भने एक जना बिरामीबाट २० हजारभन्दा बढीको बिल भयो भने निश्चित रकम लिनुपर्ने शर्त राखेका हुन्छन्,’ उनले भने, ‘बिरामीको २० हजारको बिल भयो भने विचौलियालाई ३ देखि ५ हजार रुपैयाँसम्म दिनुपर्दछ ।’ यस्तै, बिचौलियाले सम्पर्कबाट आएका बिरामी निजी अस्पतालको भेन्टिलेटर र आईसीयुमा भर्ना भएपछि अस्पतालले निश्चित रकम छुट्याइदिने गरेको छ । बिरामी आईसीयु र भेन्टिलेटरमा भर्ना भए बिचौलियालाई २० हजार रुपैयाँसम्म दिने गरेको स्रोतले बतायो । ‘बिचौलियाले ल्याएको एक जना बिरामी निजी हस्पिटलको आईसीयुमा र भेन्टिलेटरमा भर्ना भए । त्यो बिरामीको लाखभन्दा बढी रकम अस्पताललाई बुझाउनुपर्ने हुन्छ । त्यही भएर पनि अस्पतालले बिचौलियालाई खुसी पार्न निश्चित रकम छुटयाइदिएको हुन्छ,’ अस्पताल स्रोतले भन्यो ।

सम्बन्धित समाचार

आकर्षक बन्यो विराटनगर विमानस्थलको प्रवेशद्वारः थ्रीडी एलइडी लाइट जडान

विराटनगर, २० जेठ । विराटनगर विमानस्थलको पुनःनिर्माण गरिएपछि आकर्षक देखिएको छ । विमानस्थल प्रवेशद्वारको पुननिर्माणसम्पन्न भएपछि पहिलेभन्दा आकर्षक देखिएको हो । विराटनगर विमानस्थलको प्रवेशद्वार विराटनगरस्थित थ्रीडी एड्भरटाइजिङले पुनःनिर्माण गरेको हो । यसअघि समान्य प्रवेशद्वार रहेकोमा...

उदयपुरको कटारीमा ‘लकडाउन’ घोषणा

विराटनगर, ३२ साउन–उदपुरको कटारी नगरपालिकाले अनिश्चीत कालका लागि लकडाउन घोषणा गरेको छ । माहामारीका रुपमा फैलिएको कोरोना भाइरस संक्रमणको जोखिम रोकथाम तथा नियन्त्रणका लागि नगरपालिकाले अनिश्चीतकालिन लकडाउन घोषणा गरेको हो । नगरपालिकाको कोरोना भाईरस रोकथाम,...

आज सरस्वती पूजा, अक्षरारम्भ गर्ने दिन

प्रत्येक वर्ष माघ शुल्क पञ्चमीको दिन गरिने सरस्वती पूजा विधिपूर्वक आज गरिँदै छ । यस अवसरमा विशेष गरी विद्यार्थी, लेखक, कवि, पत्रकार, कलाकारलगायतले सरस्वती, किताब, कपी, कलम, बाध्ययन्त्रलगायत साधनको पूजा गरिन्छ । विद्यालयमा विशेष रूपमा सरस्वतीको पूजा...

विराटनगरको सेन्ट्रल मलमा ‘जुम्बा’ संचालनमा

विराटनगर । विराटनगरस्थित सेन्ट्रल मलको पहिलो तलामा जुम्बा डान्स संचालनमा आएको छ । मंगलबार एक कार्यक्रम आयोजना गरी जुम्बा संचालनमा ल्याएको हो । दक्ष प्रशिक्षकबाट सिकाइने जुम्मा डान्स सेन्ट्रल मलमा संचालनमा ल्याएको सेन्ट्रल मलका प्रबन्धक...

आँधीले अमेरिकाका ८ हजार उडान रद्द

टेक्सासदेखि अमेरिकाको पूर्वी तटसम्मको आँधीले अमेरिकामा हवाई उडान अवरुद्ध गरेको छ । वासिङ्‍गटन पोस्टको रिपोर्टअनुसार १,४८५ उडानहरू रद्द भएका छन् र ६ हजारभन्दा बढी ढिलाइ भएका छन् । प्रमुख एयरलाइन्सहरूमध्ये अमेरिकी, साउथवेस्ट र युनाइटेड सबैभन्दा...

११३ वर्षीया मारियाले जितिन कोरोना

एजेन्सी, बैशाख ३१-स्पेनकै सबैभन्दा वृद्ध ठानिएकी एक ११३ वर्षीया वृद्धा कोरोना भाइरसमुक्त भएकी छन् । अवकाश जीवन बिताउने केएर होममा बस्दै आएका अरु धेरै जना वृद्धवृद्धाको मृत्यु भए पनि ११३ वर्षीया वृद्धाले कोरोना भाइरसलाई परास्त...

एसइइ रनिङ्ग शिल्ड प्रतियोगिता : पोखरीया, डिपिएस, प्रजातन्त्र स्काइ र मनासुल स्कुल विजयी

विराटनगर । विराटनगरमा जारी दोस्रो संस्करणको एसईइ कप अन्तर विद्यालय स्तरीय रनिङ्ग शिल्ड फुटबल प्रतियोगितामा मोरङ र सुनसरीका पाँच वटा स्कुल विजय भएका छन् । विराटनगर – १ स्थित डन बस्को स्कूलको खेल मैदानमा बिहीबार...

आज ३ अन्तर्राष्ट्रिय कार्गो उडान, चीन र यूएईबाट सामान ल्याइँदै

काठमाडौं, ५ बैशाख-शुक्रबार ३ वटा अन्तर्राष्ट्रिय कार्गो उडान हुँदैछ । संयुक्त अरब इमिरेट्स यूएईको सारजहाबाट एयर अरेबियाको कार्गो विमान काठमाडौं आउने नेपाल नागरिक उड्डयन प्राधिकरणका प्रवक्ता राजकुमार क्षेत्रीले जानकारी दिए । एयरबस ३२० कार्गो विमान...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्