चोरीको आरोपमा एक जना पक्राउ - News Birat

चोरीको आरोपमा एक जना पक्राउ

न्यूज विराट

विराटनगर, १६ माघ । झापाको अर्जुनधारा नगरपालिका–५ लक्ष्मीपुरमा गजेन्द्र कट्वालले संचालन गरेको किराना पसलामा चोरी गरेको आरोपमा एक जना पक्राउ परेका छन् ।

बिहिवार राती साँढे ७ बजे आफ्नो पसलमा चोरी भएको भनी जानकारी गराए लगत्तै ईलाका प्रहरी कार्यालय अनारमनीबाट खटिएको प्रहरी टोलीले सिसिटिभी फुटेज आधारमा अर्जुनधारा नगरपालिका–४ का ४१ बर्षीय बिक्रम दनुवारलाई प्रहरीले पक्राउ गरेको हो ।

पक्राउ परेका दनुवारको साथबाट प्रहरीले पसलबाट चोरी भएको नगद १ लाख ४८ हजार ६ सय रुपैयाँ र भारतिय नोट रु.१५ सय समेत बरामद गरेको छ । पक्राउ परेका दनुवारको सम्बन्धमा प्रहरी थप अनुसन्धान गरिरहेको जनाइएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles