विराटनगर । तेस्रो संस्करणको मिस्टर एण्ड मिस पूर्वाञ्चल हुने भएको छ । जय मिडिया मेनेजमेन्ट प्रालिको आयोजनामा उक्त प्रतियोगिता हुन लागेको हो ।

युवा युवतीहरूको प्रतिभा उजागर गर्ने उद्देश्यले आयोजना गरिएको प्रतियोगितामा भाग लिन इच्छुकहरूको लागि आवेदन खुल्ला गराएको छ । आवेदन अनलाइन र प्रत्यक्ष रूपमा भेटेर पनि फर्म भर्न सक्ने जय मिडिया मेनेजमेन्ट प्रालिका निर्देशक जय राज रायले जानकारी दिए । प्रतियोगिताको अडिसन माघको अन्तिम साताबाट हुनेछ । अडिसनबाट छनौट भएका युवा युवतिहरूलाई निःशुल्क टे«निङ रहनेछ । ‘यसपटक भिन्न तरिकाले यो प्रतियोगिता आयोजना गर्न लागेको हो,’ निर्देशक रायले भने, ‘छनौट हुने प्रतियोगिहरूलाई विभिन्न क्षेत्रका विज्ञता हासिल गरेका विज्ञहरूबाट प्रशिक्षण दिइनेछ ।’ प्रशिक्षण भर्चुयलबाट पनि हुनेछ ।
प्रतियोगितामा १५ देखि ३० वर्षसम्मका अबिवाहित युवा युवतीले भाग लिन सक्नेछन् । बिजेताले जनही ५०– ५० हजार रुपैयाँ पाउनेछन् ।
दोस्रो संस्करणको मिस्टरतर्फको बिजेता इटहरीका संगम अधिकारी र मिस तर्फका बेलबारीकी प्रजिता तामाङ घोषित भएकी थिइन् ।