विराटनगर । व्यवस्थापन शिक्षामा अब्बल रहेको विराटनगरस्थित मेरील्याण्ड कलेजले कक्षा ११ मा भर्ना भएका विद्यार्थीहरूलाई स्वागतसँगै अभिमुखीकरण कार्यक्रम आयोजना गरेको छ । कलेज परिसरमा बिहीबार एक भव्य कार्यक्रम आयोजना गरी भर्ना भएका कक्षा ११ का विद्यार्थीहरूलाई स्वागत गर्दै अभिमुखिकरण कार्यक्रम गरेको हो ।

गुणस्तरीय शिक्षा प्रदान गरी विद्यार्थी र अभिभावको रोजाइमा परेको केलजमा भर्ना भएका नयाँ विद्यार्थीहरूलाई कलेजका नियम, कक्षा संचालनको बिधि, कलेजको इतिहास लगायतको बिषयमा अभिमुखीकरण गरिएको कलेजका प्रिन्सिपल लक्ष्मण ढकालले जानकारी दिए ।
कार्यक्रममा कलेजमा भर्ना भएका बिद्यार्थी मध्ये प्रवेश परीक्षामा सार्वोउत्कृष्ट हुने विद्यार्थी नविन कुमार मण्डलसहित टप टेनभित्र पर्ने विद्यार्थीहरूलाई सम्मान पनि गरियो । सम्मानित हुने विद्यार्थीहरूलाई खादा र मालाले सम्मान गरेको थियो । मेरील्याण्ड कलेजमा अध्ययर गरेर विभिन्न क्षेत्रमा काम गर्दै आएका ४ जना पुर्वबिद्यार्थीहरुलाई पनि सम्मान गरियो । मेरील्याण्ड पढेर अहिले यातायात कार्यालय विराटनगरका कार्यालय प्रमुख अनमोल भट्टराई, ओबी मिडियाका प्रबन्ध निर्देशक बिबेक दाहाल, किड्स भिलेज स्कुलका निर्देशक पंकज जैन र युवा उत्प्रेरक बैभव नहाटालाई सम्मान गरिएको थियो ।

कार्यक्रममा कलेजका अध्यक्ष गुढराज ढुङगेलल, कलेजका प्रिन्सिपल लक्ष्मण ढकाल, निर्देशकहरू प्राडा पिके झा, डा. मनोज गुप्ता, भेषराज पोखरेललगायतले गुणस्तरीय शिक्षा प्रदान गरेको कारण विद्यार्थीहरू मेरील्याण्ड रोजाइमा परेको बताए । उनीहरूले विद्यार्थीहरूलाई गुणस्तरीय शिक्षा सँगै संस्कार र रोजगारमुखी शिक्षा प्रदान गर्न कलेज कठिबद्ध भएको बताए । कलेजमा ७ सय ६३ जना विद्यार्थी मेरील्याण्डमा भर्ना भएको कलेज प्रमुख ढकालले जानकारी दिए ।