विराटनगर, १ भदौ । विभिन्न सामाजिक कार्यहरु निरन्तर गर्दै आएको रोटरी क्लब अफ विराटनगर डाउनटाउनले वतावरण संरक्षणका लागि दोस्रो चरणमा पनि बृक्षारोपण गरेको छ । ‘आउने पुस्ताका लागि रुख रोपौँ’ भन्ने मुल नाराका साथ क्लबले बृक्षारोपण अभियान सुरु गरेको थियो ।

जलवायु परिवर्तनका कारण नाकारात्मक असर परिरहेकाले वातारवरण संरक्षणका लागि विराटनगर–१४ जतुवास्थित गौशाला, सिंघियास्थित हनुमान मन्दिर, साई मन्दिर विराटनगरकै बासुकीनाथ मन्दिर परिसरमा बृक्षारोपण गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

बृक्षारोपण कार्यक्रम आयोजना गरि मेवा, जामुन, अम्बक, अनार, अमला, कागती, कटहर, बेललगायतका फलफूल र विभिन्न रुखका २५० विरुवाहरु रोपिएको क्लबकी सचिव नमिता टिवडेवालले बताइन् ।

त्यस्तै, विराटनगरकै बखरी र बर्जुगाउँमा रोप्नका लागि आरसीसी अम्बिकालाई विरुवाहरुसमेत हस्तान्तरण गरिएको क्लबकी पब्लिक इमेज कमिटी चेयर सपना सिंघलले जानकारी दिइन् । सो अवसरमा क्लबका पदाधिकारी र सदस्यहरुको उपस्थिती रहेको थियो । क्लबले यसअघि पहिलो चरणमा गत असार २१ गते विराटनगरस्थित खार्जी कोहबरा गाउँमा २५० वटा विरुवा रोपेको थियो ।