विराटनगर, ४ मंसिर । संघीय खानेपानी तथा ढल व्यवस्थापन आयोजना कार्यालय इलाम उत्कृष्ट कार्यालयको रुपमा पुरस्कृत भएको छ । खानेपानी विभागको ५० औं स्थापना दिवस (स्वर्ण जयन्ती) को अवसरमा आयोजित कार्यक्रममा उत्कृष्ट आयोजना कार्यालयका रुपमा पुरस्कृत भएको हो ।
खानेपानी तथा ढल व्यवस्थापन विभाग अन्तर्गतका संघीय खानेपानी तथा ढल व्यवस्थापन अयोजनाहरुबाट आर्थिक वर्ष २०७७/०७८ मा सञ्चालित वार्षिक कार्यक्रम र सो को प्रगति एवम् समग्र कार्यालय व्यवस्थापनको आधारमा इलाम उत्कृष्ट भएको हो ।
विभागले स्थापना दिवसको अवसर पारेर उत्कृष्ट आयोजना कार्यालयको प्रमाणपत्र समेत हस्तान्तरण गरेको संघीय खानेपानी तथा ढल व्यवस्थापन आयोजना कार्यालय इलामका प्रमुख सुरतलाल चौधरीले जानकारी दिए ।
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIxMjczIiBoZWlnaHQ9Ijg5MCIgdmlld0JveD0iMCAwIDEyNzMgODkwIj48cmVjdCB3aWR0aD0iMTAwJSIgaGVpZ2h0PSIxMDAlIiBzdHlsZT0iZmlsbDojY2ZkNGRiO2ZpbGwtb3BhY2l0eTogMC4xOyIvPjwvc3ZnPg==)