कांग्रेस महाधिवेनः इटहरीको नगर सभापतिमा हेकमर्ण पौडेल विजयी - News Birat

कांग्रेस महाधिवेनः इटहरीको नगर सभापतिमा हेकमर्ण पौडेल विजयी

न्यूज विराट

विराटनगर, १० असोज । नेपाली काँग्रेसको १४ औं महाधिवेशनअन्र्तगत सुनसरीको इटहरीमा सम्पन्न अधिवेशनबाट हेमकर्ण पौडेल सभापतिमा विजयी हुनुभएको छ ।

निर्वाचनमा दुई प्यानल भएर चुनावी प्रतिस्पर्धा गरेका विकास केसीलाई ४२ मतको अन्तरले पौडेलले पराजित गर्दै तेस्रो कार्यकालका लागि पौडेल इटहरी काँग्रेसको नगर सभापतिमा विजयी हुनु भएको हो ।

यस्तै उपसभापतिमा पौडेल प्यानलका कोविदजंग कार्की र केसी प्यानलका बालकृष्ण विष्ट विजयी हुनुभयो । यस्तै सचिवमा पौडेल प्यानलका विक्रम घिमिरे र केसी प्यानलका मन्दिप भट्टराई, सहसचिवमा केसी प्यानलकी मेनुकागिरी र पौडेल प्यानलका ईश्वर तामाङ विजयी हुनुभयो ।\

३१ सदस्यीय कार्यसमितिमा पौडेल प्यानलका धेरै चयन भएका छन् । संस्थापन पक्षबाट केसी र संस्थापनइतर पक्षबाट पौडेल नेतृत्वको प्यानल इटहरीको नगरकार्य समितिको निर्वाचनमा प्रतिस्पर्धा गरेका थिए । पौडेलले सबैलाई समेटेर पार्टी सञ्चालन गरिने तथा स्थानीय तह साथै जिल्लामा काँग्रेस नेतृत्वलाई आगामी निर्वाचनमा सफल बनाउन जुट्ने बताउनुभयो ।

इटहरीमा कुल ४ सय ८३ जना मतदाता रहेकोमा ४ सय ८२ जनाले मतदान गरेकामा सभापतिमा निर्वाचित पौडेलले २ सय ५३ मत र निकटतम प्रतिद्वन्द्वी विकास केसीले २ सय ११ मत पाएका थिए । यसअघि १३ औं अधिवेशनमा पनि पौडेलले केसीलाई यो भन्दा धेरै मतान्तरले पराजित गर्नुभएको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles