विराटनगर, २२ साउन । सामाजिक कार्यमा अग्रसर रोटरी क्लब अफ विराटनगर डाउन टाउनले विराटनगरस्थित मानव सेवा आश्रमलाई पहिलो चरणमा खाद्यान्न वितरण गरेको छ ।

क्लबले एक कार्यक्रमकाबीच विराटनगर तीनटोलियास्थित मानव सेवा आश्रममा आश्रित ७८ जनाको लागि चामल, दाल, तेल, चिउरा, भुजा चिनि लगायतका खाद्य सामाग्री वितरण गरेको हो ।

रोटरीयन मञ्जु अग्रवाल र स्वाती राठिको सहयोगमा खाद्यान्न वितरण गरिएको हो । सो अबसरमा आश्रममा आश्रितहरुका लागि ४ सय केजी चामल, एक क्वीन्टल दाल, ५० लिटर खानेतेल, एक क्वीन्टल चिउरा, ४० केजी भुजा र ५० केजी चिनि वितरण गरिएको क्लबकी अध्यक्ष संचिता जैनले जानकारी दिइन् ।

खाद्य सामाग्री वितरण कार्यक्रममा क्लबका १० जना सदस्यहरुको उपस्थिती रहेको थियो ।