विराटनगर, १९ मंसिर–पछिल्लो २४ घण्टामा प्रदेश १ मा २ सय ९४ जना डिस्चार्ज भएका छन् । डिस्चार्ज हुनेमा २ सय ९३ जना होमआईसोलेसन र १ जना विराट मेडिकल कलेजबाट डिस्चार्ज भएका हुन् । हालसम्म डिस्चार्ज हुनेको संख्या २२ हजार ७३१ पुगेको छ ।

प्रदेश १ मा शुक्रबार १ सय ३५ जना कोरोना संक्रमित थपिएका छन् । मोरङमा ५२, सुनसरीमा ३५, झापामा २५, इलाममा आठ, उदयपुर र संखुवासभामा दुई÷दुई, पाँचथर, धनकुटा र खोटाङमा एक÷एक र प्रदेश १ बाहिरका आठ जना रहेको सामाजिक विकास मन्त्रालयले जनाएको छ ।

मोरङको विराटनगरमा २६, सुन्दरहरैचामा आठ, बेलबारीमा छ, बुढीगंगा, केराबारी र सुनबर्षीमा दुई÷दुई, रतुवामाई, पथरीशनिश्चरे, धनपालथान, कानेपोखरी, रंगेली र उर्लाबारीमा एक÷एक, सुनसरीको इटहरीमा १५, धरानमा १०, बराहक्षेत्रमा तीन, रामधुनीमा दुई, हरिनगर, दुहवी र इनरुवामा एक÷एक र स्थानीय तह नखुलेका दुई, झापाको दमकमा पाँच, शिवसताक्षी, विर्तामोड र झापा गाउँपालिकामा चार÷चार, मेचीनगर र बुद्धशान्तिमा तीन÷तीन र भद्रपुरमा दुई जनाको रिपोर्ट पोजिटिभ आएको विकास मन्त्रालयले जनाएको छ ।

उता इलामको सुर्योदयमा सात, इलाम नगरपालिकामा एक, उदयपुरको त्रियुगा र चौदण्डीगढीमा एक÷एक, संखुवासभाको मकालु र खाँदबारीमा एक÷एक, पाँचथरको कुम्बायक, धनकुटाको महालक्ष्मी र खोटाङको साकेलमा एक÷एक र प्रदेश १ बाहिरका आठ जनामा संक्रमण देखिएको मन्त्रालयले जनाएको छ । यो सँगै प्रदेश १ मा कोरोना संक्रमितको संख्या २७ हजार ९ सय ५५ पुगेको छ ।

प्रदेश १ मा शुक्रबार ६ सय ७२ जनाको पीसीआर परीक्षण गरिएको छ । परीक्षण गरिएका मध्ये ५४ महिला र ८१ पुरुषको रिपोर्ट पाजिटिभ आएको हो । हालसम्म १ लाख ९४ हजार ८३९ जनाको पीसीआर परीक्षण गरिएको मन्त्रालयले जनाएको छ ।