इजरायली प्रधानमन्त्रीको कार्यालयमा कोरोना संक्रमित - News Birat

इजरायली प्रधानमन्त्रीको कार्यालयमा कोरोना संक्रमित

न्यूज विराट

एजेन्सी, जेठ २०-इजरायलका प्रधानमन्त्री बेन्जामिन नेतान्याहुको कार्यालयमा कार्यरत एक कर्मचारीमा कोरोना भाइरसको संक्रमण पुष्टि भएको छ । नेतान्याहुको कार्यालयले एक कर्मचारीमा कोरोना संक्रमण देखिएको जानकारी दिएको हो ।

यद्यपि नेतान्याहुको कार्यालयले जारी गरेको विज्ञप्तिमा नेतान्याहु ति कर्मचारीसँगको सम्पर्कमा पुगेका थिए या थिएनन् भन्ने खुलाइएको छैन । कर्मचारीमा कोरोना संक्रमण देखिएपछि कार्यालयका अन्य कर्मचारीमा समेत परीक्षण र निगरानी बढाइएको छ ।

यसअघि नेतान्याहुले दुई पटक कोरोना संक्रमणको खतराको सामना गरिसकेका छन् । मार्चमा उनका सल्लाहकारमा कोरोना संक्रमण पुष्टि भएको थियो भने अप्रिलमा स्वास्थ्यमन्त्री कोरोना संक्रमित भएका थिए । यद्यपि उनको परीक्षणको नतिजा नेगेटिभ आएको थियो ।
इजरायलमा हालसम्म १७ हजार १ सयभन्दा बढी संक्रमित भइसकेका छन् भने २८५ जनाको मृत्यु भइसकेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles