विराटनगर, १६ मंसिर–प्रदेश १ मा मंगलबार १ सय ७९ जना कोरोना संक्रमित थपिएका छन् । झापामा ६२, मोरङमा ५३, सुनसरीमा ३८, इलाममा १०, पाँचथर र तेह्रथुममा दुई÷दुई, ताप्लेजुङ, धनकुटा र उदयपुरमा एक÷एक र प्रदेश १ बाहिरका नौ जना रहेको सामाजिक विकास मन्त्रालयले जनाएको छ ।

झापाको विर्तामोडमा २२, भद्रपुरमा १५, दमकमा सात, कनकाई र शिवसताक्षीमा चार÷चार, अर्जुनधारामा तीन, मेचीनगरमा दुई, गौरादह, बुद्धशान्ति, कचनकवल, कमल गाउँपालिका र स्थानीय तह नखुलेका एक÷एक, मोरङको विराटनगरमा ४०, बेलबारीमा तीन, केराबारी, पथरीशनिश्चरे र सुन्दरहरैचामा दुई÷दुई, रतुवामाई, उर्लाबारी, कटहरी र स्थानीय तह नखुलेका एक÷एक, सुनसरीको धरानमा १८, इटहरीमा १७, भोक्राहानरसिंह, देवानगञ्ज र स्थानीय तह नखुलेका एक जनाको रिपोर्ट पोजिटिभ आएको सामाजिक विकास मन्त्रालयले जनाएको छ ।

उता इलामको माईमा आठ, इलाम नगरपालिका र रोङमा एक÷एक, पाँचथरको फिदिम र मिक्लाजुङमा एक÷एक, तेह्रथुमको लालिगुराँसमा दुई, ताप्लेजुङको पाथीभरा याङवरक, धनकुटा र उदयपुरको त्रियुगामा एक÷एक र प्रदेश १ बाहिरका नौ जनामा संक्रमण देखिएको मन्त्रालयले जनाएको छ । प्रदेश १ मा कोरोना संक्रमितको संख्या २७ हजार ४ सय ४१ पुगेको छ ।

प्रदेश १ मा मंगलबार ९२ जना डिस्चार्ज भएका छन् । होमआईसोलेसनबाट ८३, विराट मेडिकल कलेजबाट पाँच, मेची अस्पतालबाट तीन र बीपी कोभिड अस्पतालबाट एक जना डिस्चार्ज भएका छन् । हालसम्म डिस्चार्ज हुनेको संख्या २२ हजार ३ सय ७७ पुगेको छ ।

प्रदेश १ मा मंगलबार ८ सय ३५ जनाको पीसीआर परीक्षण गरिएको छ । परीक्षण गरिएका मध्ये ५५ महिला र १ सय २४ पुरुषको रिपोर्ट पोजिटिभ आएको हो । हालसम्म १ लाख ९२ हजार २ सय ६१ जनाको पीसीआर परीक्षण गरिएको मन्त्रालयले जनाएको छ ।