भोजपुर, फागुन १६–भोजपुर बहुमुखी क्याम्पसमा कार्यरत आंशिक शिक्षकहरुले आफूहरुलाई करार दरबन्दीमा लान माग गर्दै कलम बन्दसहितको चरणबद्ध आन्दोलन सुरु गरेका छन् ।

आफुहरुले बिगतमा राखेका मागहरु पूरा नभएको भन्दै आजबाट भोजपुर क्याम्पसमा कार्यरत आंशिक शिक्षकहरुले पेन डाउन गर्दै चरणबद्ध आन्दोलन सुुरु गरेका हुन् । आंशिक शिक्षकहरुलाई त्रिभुवन विश्वविद्यालयले क्याम्पसमा त्रिविको दरबन्दी अनुसार करार दरबन्दीको शिक्षण सहायक पदमा लैजानुपर्ने माग राख्दै आंशिक शिक्षक संघ भोजपुर क्याम्पस इकाई समितिले आन्दोलन सुरु गरेको हो ।

आफूहरुका माग क्याम्पस प्रशासनमार्फत सम्बन्धित निकायमा बुझाई सकिएकाले आफूहरुका माग पूरा नभए क्याम्पस प्रशासनमा तालाबन्दीसहितका कार्यक्रम ल्याउने संघले जनाएको छ । क्याम्पसमा पढाउने शिक्षकहरुको मागलाई जतिसक्दो चाँडो समाधान गरेर सहजरुपमा अध्ययनको वातावरण निर्माण गर्नु माग विद्यार्थीहरुको रहेको छ ।