सरकारले कोरोना भाइरसको नमुना परीक्षणको दायरा बढाउँदै लगिएको जनाएको छ ।स्वास्थ्य तथा जनसंख्या मन्त्रालयका प्रवक्ता विकाश देवकोटाले कोरोना भाइरसको नमुना परीक्षणलाई तीव्रता दिएको बताएका हुन् । उनले नेपालमा कोरोना भाइरसको रोकथामबारेको मिडिया ब्रिफिङका क्रमाम यस्तो बताएका हुन् ।

उनले टेकुस्थिति राष्ट्रिय जन स्वास्थ्य प्रयोगशालामा अहिलेसम्म १ हजार ७९६ वटा परीक्षण परीक्षण गरिएको बताए । उनले देशका अन्य ९ ठाउँबाट पनि नमुना परीक्षणको कामलाई तीव्रता दिइरहेको जानकारी दिए ।

नमुना परीक्षणको दायरा बढाउने क्रममा कञ्चनपुरमा २१, कैलालीमा १८ वटा नमुना संकलन भइसकेको बताए । सरकारले कोरोना संक्रमणको उच्च जोखिमा रहेको कञ्चनपुर, कैलाली र कैलालीमा द्रुत गतिमा नमुना परीक्षण गर्ने निर्णय गरेको थियो ।

मन्त्रालयले ती जिल्लामा र्‍यापिट टेस्टका साथै स्वाबको नमुना संकलन गरेर परीक्षण गर्ने जनाएको छ । त्यसैगरी जुम्ला र अछाममा पनि स्वाबको नमुना संक्रलन सुरु भइसकेको प्रवक्ता देवकोटाले बताए ।