राशिफल

‘दुईतले फलामको खाटैमा’ गीत सार्बजनिक

 न्यूज विराट
‘दुईतले फलामको खाटैमा’ गीत सार्बजनिक

काठमाडौँ, २५ कात्तिक–सुरज बिश्वकर्माको रचना एवं संगीतमा परदेशीको पीडा र वेदना समेटिएको गीत ‘दुईतले फलामको खाटैमा’ बोलको गीत सार्वजनिक भएको छ । परदेशमा श्रम गर्दा मातृभूमीको सम्झनाले सताउने र घर फिर्न मनलागेको वेला नपाईने जस्ता समस्याहरुलाई गीतमा समेटिएको छ । युवा पुस्ताका परदेशीका दुःखलाई गीतमा समेटिएको रचनाकार सुरज बिश्वकर्माले बताउनुभयो । उहाँ मकाउमा बसेर गीत लेखन र संगीतलाई निरन्तरता दिदै आउनु भएको छ ।

‘दुईतले फलामको खाटैमा’ गीतमा स्वर रहेको छ नेपाल आइडल सिजन—२ का उपविजेता विक्रम बरालको । सो गीत बिश्वकर्माले यूट्यूव च्यानलमार्फ्त सार्वजनिक गर्नुभएको छ । गीतको शब्द रचना र संगीत उनै सर्जक सुरज बिश्वकर्माले गर्नुभएको हो । संगीत संयोजन भने विनोद रसाइलीले गर्नु भएको छ।

पोखरा घर भई लामो समयदेखि मकाउलाई कर्मथलो बनाएरका सर्जक विश्वकर्माको यो तेस्रो प्रस्तुति हो । यसअघि उहाँले ‘विस्तारै विस्तारै.’ र ‘तिम्रो मन.’ जस्ता सदावहार गीतहरु कर्णदासको स्वरमा सार्वजनिक गरिसक्नु भएको छ । यो उहाँको तेस्रो भिडियो हो ।

बिद्यार्थीकालदेखि नै कविता र गीतहरु लेख्ने बिश्वकर्माले पछिल्लो समय गीतहरुमा कलम चलाउदै आउनु भएको छ । सन् २०२० को मार्चमा नेपाल आउने तयारी गरिसकेपछि ठिक एकहप्ता अगाडि कोरोना महामारीको लकडाउन भइदियो । टिकट लिइसकेपछि पनि बिश्वकर्मा घर आउन पाउनु भएन । यही पीडामा छट्पटाउदै उहाँले ‘दुईतले फलामको खाटैमा’ गीतको सृजना गर्नुभएको हो । गीतमा परदेशमा बस्ने नेपालीहरुको भावना बोलेको छ ।

सुरज विश्वकर्माले भन्नुुभयो “गीत रचनामा मेरो सानैदेखिको सोख हो, कविताहरु पनि लेख्छु, दुईतले फलामको खाटैमा बोलको गीतमा राम्रो प्रतिक्रिया पाएको छु, यसमा विशेष गरी म जस्ता परदेशमा रहेका नेपाली युवाहरको भावना अभिव्यक्त भएको छ, सबैले मनपराई दिनुभएको छ म उत्साहित पनि भएको छु ।”

सम्बन्धित समाचार

मोरङ प्रहरी प्रमुख एसपी शान्तिराज कोइरालाको काज सरुवा, दिपक पोखरेल आउँदै

विराटनगर । मोरङ प्रहरी प्रमुख एसपी (प्रहरी उपरीक्षक) शान्तिराज कोइरालाको काज सरुवा भएको छ । अपराध नियन्त्रण, अनुसन्धान र द्धन्द्ध व्यवस्थापनमा अब्बल देखिएका कोइरालाको मोरङबाट नेपाल प्रहरी प्रधान कार्यालय काठमाडौं सरुवा भएको हो । करिब...

सीएनआई कोशी एक्स्पोमा आज सविन राईले तताउने

विराटनगर । विराटनगरमा जारी सीएनआई कोसी एक्स्पोमा आज शुक्रबार साँझ युवा पूस्तामाझ लोकप्रिय गायक सविन राईले प्रस्तुती रहने भएको छ । गीत संगीतका माध्यमबाट ‘क्राउड क्रिएटर’ को छवि बनाएका सविन राई र उनको चर्चित ब्याडको...

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...