विराटनगर, ११ कात्तिक–दशैँ सुरु भएसँगै प्रदेश १ मा कोरोना परिक्षण दर घटेको छ । सोमबार दशैँको टिकाका दिन पनि ५ सय ८१ जनाको पीसीआर परिक्षण भएकोमा मंगलबार १ सय ६४ जनाको मात्र पीसीआर परिक्षण गरिएको छ ।

प्रदेश १ सामाजिक विकास मन्त्रालयका अनुसार पीसीआर परिक्षण गरिएका मध्ये ४३ जनामा कोरोना संक्रमण पुष्टि भएको छ । १८ महिला र २५ पुरुषको कोरोना रिपोर्ट पोजिटिभ आएको हो ।

मंगलबार सुनसरीमा सवैभन्दा बढी ३० जनामा कोरोना पोजिटिभ देखिएको छ । सुनसरीको धरानमा १३ महिला १४ पुरुष, इटहरीमा १ महिला २ पुरुष, मोरङको शुन्दरहरैँचामा २ महिला १ पुरुष, उर्लाबारीमा १ पुरुष, विराटनगरमा १ पुरुष, र कटहरीमा १ पुरुष, झापाको दमकमा २ पुरुष, विर्तामोडमा २ महिला २ पुरुष र भद्रपुरमा १ पुरुषको रिपोर्ट पोजिटिभ आएको मन्त्रालयले जनाएको छ । योसँगै प्रदेश १ मा कुल कोरोना संक्रमितको संख्या १७ हजार ६ सय ९४ पुगेको छ । ८ हजार ७३ जना सक्रिय संक्रमित रहेका छन् ।

मन्त्रालयका अनुसार प्रदेश १ मा पछिल्लो २४ घण्टामा कोरोना संक्रमणबाट ४ जनाको मृत्यु भएको छ । मृत्यु हुनेमा मोरङ र सुनसरीका २÷२ पुरुष रहेका छन् । हालसम्म १ सय १५ जनाको संक्रमणबाट मृत्यु भएकोमा १६ जना प्रदेश १ बाहिरका रहेका छन् ।

प्रदेश १ बाट मंगलबार एकैदिन कोरोना संक्रमण मु्क्त भएर ७ सय २० जना डिस्चार्ज भएका छन् । सुनसरीका १ सय १९ महिला २ सय १३ पुरुष, मोरङका ८४ महिला १ सय ६८ पुरुष, झापाका ७ महिला ३१ पुरुष, धनकुटाका दुई पु्रुष, भोजपुरका १ महिला २ पुरुष, खोटाङका २ पुरुष, उदयपुरका २ महिला १३ पुरुष, सोलुखुम्बु, संखुवासभा, पाँचथर र तेह्रथुमका १÷१ पुरुष, इलामका १० पुरुष, ताप्लेजुङका १ महिला ३ पुरुष, ओखलढुंगाका २ पुरुष र प्रदेश १ बाहिरका १५ महिला र ४१ पुरुष डिस्चार्ज भएका हुन् ।

योसँगै प्रदेश १ बाट डिस्चार्ज हुनेको संख्यो ९ हजार ४ सय ४६ पुगेको छ । हालसम्म प्रदेश १ मा १ लाख ५५ हजार २ सय ८५ जनाको पीसीआर परिक्षण गरिएको मन्त्रालयले जनाएको छ ।