अर्पणा केशी
पथरी, असार ९
मोरङको पथरी शनिश्चरे नगरपालिका अन्र्तगत आगामी आर्थिक वर्षको नीति तथा कार्यक्रममा दलित समुदायलाई समेट्न माग गदै दलित संरक्षण समितीले नगर प्रमुख दिलीप कुमार राईलाई १७ बुदेँ ज्ञापन पत्र बुझाएको छ ।
कुल बजेटको १० प्रतिशत बजेट नघटाई दलित समुदायको चेतनास्तर र आर्थिकस्तर उकास्न लगानी गर्नुपर्ने माग गर्दै उनीहरुले नगरसभाको पूर्वसन्ध्यामा नगर प्रमुखलाई ज्ञापन पत्र बुझाएका हुन् ।

नगरमा दलितमैत्री वातावरण बनाई दलित क्षमता अभिवृद्धीका कार्यक्रमहरु अभिलम्ब संचालनमा ल्याईनु पर्ने माग गरेका छन् । लोककल्याणकारी कार्यक्रमहरु प्र्रभावकारी रुपमा संचालन गर्नु राज्यको दायित्व भएकोले यो नगरपालिका अन्य नगरपालिका भन्दा क्रियाशिल रहदै आएकोले दलितहरुको सन्दर्भमा यस समुदायको ऐतिहासिक पृष्ठभूमीलाई उदार र फराकिलो सोचबाट अग्रसर रहने ज्ञापनपत्रमा उल्लेख गरीएको छ ।

दलित समुदायका क्षेत्रमा भएका कार्यक्रमहरुको कार्यन्वयन र नितीगत प्रभावकारीताले नगरपालिकाको मात्र नभएर प्रदेश हुदैँ सिङगो देशकै नमुना हुने र नमुना परिणाम आउने नेतृत्वको ध्यानाकर्षण गराईएको राजकुमार विश्वकर्माले जानकारी दिए ।

नगर भित्र रहेका प्रत्येक वडाका ७ जना सम्म सदस्य संख्या रहेको वडा दलित संरक्षण समिती गठन गर्नु पर्ने भएको छ । यस नगरले विगतका दिनहरुमा पनि दलितहरुका लागी जनचेतनामुलक कार्यक्रमहरु गदै आएकोले अबको चालु आर्थिक वर्षमा पनि थप प्रभावकारी ढङगले काम गर्ने विश्वास लिएको बताइएको छ ।