सोमबार विभागले सार्वजनिक सूचना निकाल्दै यात्रुले अनिवार्य रूपमा फेस सिल्ड प्रयोग गरेर मात्र सार्वजनिक यातायातमा प्रयोग गर्न निर्देशन दिएको हो । विभागले यातायात व्यवसायीहरूलाई फेस सिल्डबिना चढ्न खोज्ने यात्रुलाई सार्वजनिक यातायातमा नचढाउन पनि निर्देशन दिएको छ ।

यातायात व्यवस्था विभागका महानिर्देशक गोगन हमालले फेस सिल्ड अनिवार्य गर्ने निर्णयमा व्यवसायीहरूको सहमति रहेको बताए । उनले व्यवसायीहरूले पनि आफ्ना कर्मचारीलाई मास्क, पञ्जा र फेस सिल्ड उपलब्ध गराउने सहमति गरेको बताए ।

यसअगाडि सरकारले संक्रमणको जोखिम हुने भन्दै सार्वजनिक यातायातमा सामाजिक दूरी कायम गरी आधा मात्र यात्रु बोक्न पाउने निर्णय गरेको थियो । त्यस्तै, सुरक्षाका लागि मास्क र पञ्जा अनिवार्य गरेको थियो ।

तर आधा यात्रु बोक्ने निर्णयले घाटा भएको भन्दै विरोधमा व्यवसायी उत्रिएपछि सरकारले निर्णय फिर्ता लिँदै शतप्रतिशत यात्रु बोक्न पाउने निर्णय गरेको थियो । शतप्रतिशत यात्रु बोक्दा संक्रमण बढ्ने हुनाले विभागले फेस सिल्ड अनिवार्य गरेको हो ।