विश्वव्यापी रुपमा फैलिएको कोरोना भाइरसको संक्रमण रोक्न सरकारले देशलाई लकडाउन घोषणा गरेको छ ।११ चैतबाट लकडाउन लागू भएकोमा १२ चैतमा बसेको कोरोना रोकथाम उच्चस्तरीय समन्वयन समितिको बैठकले विभिन्न ठाउँमा अलपत्र परेका पर्यटकलाई काठमाडौं ल्याउने निर्णय गरेको थियो ।

१३ चैतपछि लुक्लाबाट ५१७ जनको उद्दार गरिएको पर्यटन विभागले जनाएको छ ।३५ वटा उडानबाट ५ सय १७ जनालाई काठमाडौं ल्याईएको हो । जसमा सबैभन्दा बढी तारा एयरको उडान रहेको छ । ५१७ जना मध्ये ३४८ जना विदेशी रहेका छन् ।

त्यस्तै १६९ जना नेपाली रहेका रहेका छन् । काठमाडौं ल्याइएका पर्यटकका साथै सम्वन्धित देशको पीआर भएका नेपालीहरु पनि बाहिरिने क्रम जारीहेको छ । सरकारले ११ चैत देखि लकडाउन घोषणागरेपछि ४ दिन ११,१२,१३ र १७ चैतमा एउटा पनि अन्तर्रास्ट्रिय उडान भएन ।

४ दिन भने उडान गरेर विदेशी पठाइएको छ । ४ दिनको उडानमा ४ वटा कतार एयर उडान भरेको छ । जर्मन दूतावासले कतार एयरको विमान चार्टर गरेर ३ वटा उडान गरिएको थियो जसमा ९ सय भन्दा बढी युरोपेली मुलुकका नागरिक फिर्ता भएका हुन् ।

त्यस्तै अमेरिकन दूताबासले विमान चार्टर गरेर ३ सय २ जना अमेरिकन नागरिक तथा ग्रीनकार्ड होल्डरलाई पठाईएको छ ।त्यस्तै अष्ट्रेलियन दूतावासले विमान चार्टर गरेर नेपाल बायुसेवा निगमको वाइडवडी जहाज बुधबार अहिले सम्मको लामो यात्रा अष्ट्रेलियाको ब्रेसबन गएको छ ।

उसले २७० यात्रु बोकेर गएको हो । ४ दिनमा १५ सय बढी पर्यटक तथा केही नेपाली बाहिरिएको त्रिभुवन विमानस्थल कार्यालयको तथ्यांक रहेको । १२ चैतपछि विदेशबाट भने कोही नआएको जनाइएको छ ।