विराटनगर, १२ भदौ–सामाजिक क्षेत्रमा अग्रसर रहेको रोटरी क्लब अफ विराटनगर डाउन टाउनले विराटनगरस्थित बखरीमा स्वास्थ्य सामाग्री वितरण गरेको छ । अग्र भागमा खटिने प्रहरीको स्वास्थ्य सुरक्षाका लागि क्लबले बखरी प्रहरी चौकीमा स्वास्थ्य सामाग्री वितरण गरेको हो । कोरोना भाइरस संक्रमण रोकथाम तथा नियन्त्रणका लागि विभिन्न निकायसँगको सहकार्यका काम गर्दै आएको र शिक्षा, स्वास्थ्य तथा वातावरणका क्षेत्रमासमेत योगदान पुर्याउँदै आएको सो क्लबले एक कार्यक्रमकाबीच शुक्रबार बखरी प्रहरी चौकमीमा कार्यरत प्रहरीका लागि १५ सेट मास्क, स्यानिटाइजर र फेस शिल्ड वितरण गरेको हो ।

त्यसैगरी क्लबले बखरीका वडाबासीलाई ५ सय थान मास्कसमेत वितरण गरेको छ । क्लबले निषेधज्ञाका कारण काम गर्न नपाएर हातमुख जोर्न समेत समस्यामा परेका ५० परिवारलाई खाद्यान्न समेत वितरण गरेको छ । क्लबकी सचिव गिरिजा सारडाले दैनिक ज्यालादारी काम गर्दै आएका परिवारमा ५ जना भएका ५० परिवार(२५० जना) लाई खाद्यान्न वितरण गरिएको जानकारी दिइन् । स्वास्थ्य सामाग्री र खाद्यान्न क्लबकी अध्यक्ष दिप्ती अग्रवाल र सचिव गिरिजा सारडाले वितरण गरेका थिए ।