विराटनगर, ५ भदौ–मोरङको रतुवामाई नगरपालिकामा बालिकालाई बलात्कार गरेको आरोपमा एक युवक पक्राउ परेका छन् । रतुवामाई नगरपालिकाकी एक १४ वर्षिय बालिकालाई ललाई फकाई रतुवामाई–७ स्थित रतुवा खोल नजिकैको काँस घारिमा बोलाएर बलात्कार गरेको आरोपमा स्थानीय २१ वर्षिय युवक अभिषेक राजबंशीलाई प्रहरीले पक्राउ गरेको हो ।

पक्राउ परेका राजवंशीलाई शुक्रबार जिल्ला अदालत मोरङबाट म्याद थप गरि अनुसन्धान प्रकृया अघि बढाइएको इलाका प्रहरी कार्यालय सिजुवाका प्रहरी नायव निरिक्षक मोति कटुवालले जानकारी दिए ।

उनका अनुसार गएको बुधबार दिउँसो बालिकालाई करणी गरेपछि अत्याधिक रक्तश्राव भएकाले राजवंशीले आफ्ना साथिहरु मार्फट टेम्पोमा चढाएर उर्लाबारी स्थित अरनिको अस्पतालमा पु¥याएका थिए । बालिकालाई करणी गरेर अस्पताल पु¥याएको सार्बजनिक भएलगत्तै युवकलाई उर्लाबारीबाटै प्रहरीले नियन्त्रणमा लिएर सिजुवा ल्याएको थियो ।

पिडित बालिकाकी आमाले अभिषेक विरुद्ध बिहिबार किटानी जाहेरी दिएकी थिइन् । पिडित बालिका तथा युवकबिच प्रेम सम्बन्ध रहँदै आएको र युवकले बालिकालाई काँस घारिमा बोलाएर करणी गरेको प्रारम्भिक अनुसन्धानबाट खुलेको इलाका प्रहरी कार्यालय सिजुवाका प्रहरी नायव निरिक्षक कटुवालले बताए । उनले पिडित बालिकाको उर्लाबारी स्थित अरनिको अस्पतालमै उपचार भइरहेको जानकारी दिए ।