काठमाडौं उपत्यकामा थप ८९९ जनामा संक्रमण पुष्टि - News Birat

काठमाडौं उपत्यकामा थप ८९९ जनामा संक्रमण पुष्टि

न्यूज विराट

काठमाडौं, ६ मंसिर-पछिलो २४ घण्टाको अवधिमा काठमाडौं उपत्यकामा थप ८९९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा उपत्यकामा ३८७ महिला र ५१२ जना पुरुषमा कोरोना भाइरस संक्रमण देखिएको हो ।

काठमाडौंमा सबैभन्दा धेरैमा कोरोना भाइरस संक्रमण देखिएको छ । काठमाडौंमा मात्रै ६८५ जनामा कोरोना संक्रमण पुष्टि भएको छ । त्यस्तै, ललितपुरमा १६५ जना र भक्तपुरमा ४९ जनामा कोरोना संक्रमण पुष्टि भएको छ ।

काठमाडौंमा १० हजार १०१ जना सक्रिय संक्रमित रहेका छन्, त्यस्तै, ललितपुरमा २ हजार ११४ जना र भक्तपुरमा ७६९ जना सक्रिय संक्रमण रहेका छन् ।

पछिल्लो २४ घण्टाको अवधिमा देशभर ८ हजार १४४ जनाको पीसीआर परीक्षण गर्दा १ हजार ६७४ जनामा संक्रमण पुष्टि भएको छ । आजसम्म १६ लाख ५२ हजार ४३ जनाको पीसीआर परीक्षण गर्दा कुल २ लाख १८ हजार ६३९ जनामा कोरोना संक्रमण पुष्टि भएको मन्त्रालयले जनाएको छ ।

कुल संक्रमितमध्ये १ लाख ९३ हजार ३२५ जना निको भएका छन् । पछिल्लो २४ घण्टाको अवधिमा मात्रै २ हजार ३२३ जना निको भएको मन्त्रालयको तथ्यांक रहेको छ । देशभर २४ हजार ९ जना सक्रिय संक्रमित रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles