विराटनगर, साउन १६ؘ–पूर्व संघिय मामिला तथा सामान्य प्रशासन मन्त्री तथा मोरङ क्षेत्र नं. ६ का संघिय सांसद लालबाबु पण्डित जनताको समस्यामा समाधानमा निरन्तर लागि पर्दै आएका छन् । निर्वाचनमा जनतामाझ गरेको बाचा अनुसार आफ्नो क्षेत्रको विकास निर्माण र समस्या समाधानमा निरन्तर लागि पर्दैै आएका हुन् ।

नेपाल सरकारले जारी गरेको बन्दाबन्दी अघि प्रत्येक महिना गहृनगर मोरङ आएर स्थानीय विकास निर्माण तथा जनताका समस्या समाधानका लागि आवश्यक योजनाका फायल बोकेर काठमाडौं फर्किने गरेका सांसद पण्डित बन्दाबन्दी यता मोरङ आउन पाएका थिएनन् ।

बन्दाबन्दीमा संघिय राजधानी काठमाडौंमै रहेपनि आफ्ना कार्यकर्ताहरु मार्फत दैनिक ज्यालादारी मजदुरी गरेर जिविकोपार्जन गर्ने परिवारलाई राहत वितरण गराउनेदेखि निर्वाचन क्षेत्रका विकास निर्माणका काम र जनताका समस्याका बारेमा बेखबर बनेनन् ।

काठमाडौंमै रहेपनि बन्दाबन्दीले पारेको प्रभाव र त्यसको असरले निम्त्याएका समस्याहरुमा जनतालाई निरन्तर साथ दिए । सच्चा राष्ट्रावादी एवम् जनताप्रति उत्तरदायी नेताको छवि बनाएका सांसद पण्डितले आफुले जनताको काम प्रथामिकतामा राखेर आफ्नो क्षेत्रको चातर्फी विकासमा अग्रसर रहेका छन् ।

सांसद पण्डित कोरोना माहामारीका बिचमा पनि केही दिन अघि विराटनगर आएर जनताको सामस्या, पिरमर्का र गुनासो सुनेर समस्या समाधानका लागि पहल गर्न काठमाडौं फर्किए । करीब एक सता गृहनगर बसेका उनले यसबिचमा आफ्नो क्षेत्रका विकास आयोजनाहरुको अनुगमन, कामको प्रगित लगायतका विषयमा बुझेका छन् ।

त्ससैगरी निर्वाचन क्षेत्रका विभिन्न कार्यक्रम, विभिन्न संघ संस्थाले आयोजना गरेका दर्जनौँ कार्यक्रम, झरी र बाढीकै बिचमा पनि स्थानीय जनताको घरदैलोमा पुगेर पिरमर्का बुझ्नुका साथै सुझाव र गुनासा बुझेर स्थानीय समाधानका लागि पुनः काठमाडौं फर्किएको नेकपा प्रदेश कमिटी सदस्य सत्यनारायण चौधरीले जानकारी दिए ।

विराटनगर आएदेखि व्यस्त बनेका सांसद पण्डित काठमाडौं नहिडुन्जेलन जनताकै बिचमा रहे । नेता चौधरीका अनुसार सांसद पण्डितले आफ्नो निर्वाचन क्षेत्रमा भएका विकासका कामको अनुगमन तथा जनताको गुनासो सुन्न घरदैलो पुगे । सांसद पण्डितले गएको सोमबार र मंगलबार मोरङ क्षेत्र नम्बर ६ अन्तरगत सुन्दरहरैंचा नगरपालिका क्षेत्रको अनुगमन गरे ।

उनले स्थानीय नेकपाका नेता कार्यकर्तासहित सुन्दरहरैंचा नगरपालिका वडा नम्बर ४, ५, ६, ७, २ र ३ नम्बर वडामा भएका विकासका कामहरुको अनुगमन गरेका हुन् । खासगरि निर्माणाधिन काम र सम्पन्न भएका कामको अनुगमन गर्नुका साथै जनताका गुनासाहरु सुनेको नेकपा प्रदेश कमिटी सदस्य चौधरीले जानकारी दिए ।

पूर्वमन्त्री तथा आफ्नो क्षेत्रको सांसद् नै घरदैलोमा आएर समस्या सुनिदिए पछि स्थानीयबासी समेत हर्षित भएका छन् । सुन्दरहरैंचा २ बेलडाँगीका स्थानीयबासीले मन्त्री पण्डितले चुनावमा गरेको प्रतिवद्धता अनुसार आफ्नो क्षेत्रमा बाटो बनाउन पहल गरिदएकोमा खुशी व्यक्त गरेका छन् ।

यस्तै स्थानीयले बाढीले कटान गरेर बस्ती नै जोखिममा परेको, बाटो विग्रिएको, विद्यालयको भवन जीर्ण भएको लगायतका समस्या समाधानका लागि आग्रह समेत गरे । जनताको गुनासो सुनेपछि मन्त्री पण्डितले आफुले सकेको पहल गर्ने भन्दै के कति बजेट आवश्यक पर्ने हो सो विषयमा स्थानीय नेताहरुलाई जानकारी गराउने आग्रह गरे ।

सांसद पण्डितले अनुगमनका क्रममा केही कामहरु सन्तोषजनक पाइए पनि केही काम भने बजेट अनुसारको नभएको भनेर गुनासो आएको जानकारी दिए । पूर्वमन्त्री तथा सांसद् पण्डितमार्फत सो क्षेत्रमा बूढी खोलामा पक्की पुल, झोलुङ्गे पुल, सडक कालोपत्रे, भवन निर्माण लगायतका करोडौं रुपैयाँको विकासका काम अघि बढेका छन् ।

त्यसैगरी सांसद पण्डितले तराई मधेस समृद्धि कार्यक्रम अन्तर्गत निर्मित बुढीगंगा–७ स्थित सर्व हितेषि आधारभुत विद्यालयको भवन उद्घघाटन गरेका छन् भने कर्मवीर मावि र विराट बहिरा माविको अवलोकन गरे । त्यस्तै विराटनगर–५ मा निर्माण भईरहेको सामुहिक आवासलगायत विभिन्न टोलहरूका विकास निर्माणका कामको अगुगमनका साथै स्थनीय जनतासँग भेटेर सोबारे छलफल गरेका छन् ।

उनले बुढीगंगा गाउँपालिकास्थित मुस्लिम सामुदायिक भवन साथै निर्माणनधिन झोलुङे पुलको अनुगमनका तथा जनतासँग भेटघाट, नेपाल सरकारको तराई मधेश समृद्धि कार्यक्रम अन्तर्गतनै विराटनगर पान्चाली स्थित लक्ष्मीनारायण मन्दिरको निर्माधिन भवनको अवलोकन, जनता आवास कार्यक्रम अन्तर्गत निर्माण भइरहेका घरहरुको अनुगमन समेत गरे ।

यसैबिचमा पूर्वमन्त्री तथा सांसद पण्डितलाई उद्योग संगठन मोरङ र मोरङ व्यापार संघले संयुक्तरुपमा स्वागत तथा सम्मान गरेको छ । यसबाहेक पनि पण्डित दर्जनौँ कार्यक्रममा सहभागि, अगुवा कार्यकर्तासँग भेटघाट एवम् बाढी प्रभावित क्षेत्रका जनताका समस्यालगायतका विषयमा छलफल गरि समस्या समाधानका लागि पहल गर्न पुनः काठमाडौं फर्किएको नेकपा प्रदेश कमिटी सदस्य चौधरीले जानकारी दिए ।