विराटनगर, साउन ९–सामाजिक क्षेत्रमा कृयाशिल रतुवामाई जेसिसले मोरङको रतुवामाई नगरपालिकामा ‘हरित नगरी’ अभियान सुरु गरेको छ । प्रस्तावित रतुवामाई जेसिसले ‘किप क्लिन एण्ड ग्रिन रतुवामाई’ भन्ने मुल नाराका साथ नगर क्षेत्रका किसानलाई बृक्षारोपणका लागि विभिन्न प्रजातीका विरुवा वितरण गर्दै सो अभियानको सुरुवात गरेको हो ।

जेसीसले एक कार्यक्रमकाबिच बृषकहरुलाई विरुवा वितरण गर्दै नगरलाई सफा र हराभरा बनाउने अभियान सुरु गरेको प्रस्तावित रतुवामाई जेसिसका अध्यक्ष निलम खड्काले जानकारी दिए ।

जेसिसकै अगुवाईमा नगरका विभिन्न सार्बजनिक स्थानमा बृक्षारोपणसमेत सुरु गरिएको छ । जेसिसले प्रारम्भिक चरणमा रतुवामाईका नगरपालिकाका झुर्किया, केशरबाडी, सौठा, दाम्राभिट्टा लगायतका ठाँउमा वृक्षारोपण गर्नुका साथै सर्वसाधरणलाई दुई हजार विरुवा वितरण गरेको छ ।

रुद्राक्ष, टिक, अमला, कपुर, निम लगायत विभिन्न प्रजातिका गरी दुई हजार विरुवा रोप्नुका साथै वितरण गरिएको प्रस्तावित रतुवामाई जेसीसका खड्काले जानकारी दिए ।

रतुवामाई नगरपालिकालाई हरियाली नगरका रुपमा विकास गर्न विरुवा वितरण गरिएको अध्यक्ष खड्काले बताए । बजार क्षेत्रमा पर्ने सडकको सौन्दर्यताका लागि वृक्षारोपण गरिएको र नगरलाई सुन्दर बनाउने सबैको दायित्व रहेको उनले बताए । सफा, शुन्दर र हराभरा रतुवामाई बनाउने उदेश्यसहित अभियान सुरु गरिएको अध्यक्ष खड्काले बताए ।

उनले बृक्षारोपण मात्र नभई त्यसलाई हुर्काउन संरक्षणसमेत गर्ने गरि सो अभियान निरन्तर जारी रहने जानकारी दिए । उनले आगामी दिनमा मासिक रुपमा बजार क्षेत्रमा सरसफाई, जनचेतनामुलक कार्यक्रम, भ्रष्टाचार विरोधि अभियान र प्रत्येक महिना युवाहरुको क्षमता विकासका लागि प्रशिक्षण कार्यक्रमलगायतका गतिविधि सञ्चालन गर्ने जानकारी दिए ।

प्रस्तावित रतुवामाई जेसिले नगरक्षेत्रमा विभिन्न सामाजिक कार्यहरु गर्दै आएको छ ।