विराटनगर । रोटरी क्लब अफ विराटनगर डाउनटाउनको पदस्थापन सम्पन्न भएको छ । विराटनगरमा आयोजित भव्य समारोहकाबिच वर्ष २०२४–२५ का पदाधिकारीहरुको पदस्थापन सम्पन्न भएको हो ।

सो अवसरमा वर्ष २०२३–२४ का पदाधिकारीहरुले वर्ष २०२४–२५ की प्रेसिडेन्ट मञ्जु अग्रवालसतिहका पदाधिकारीहरुको पदस्थापन गराएका थिए ।

पदस्थानसँगै औपारिक रुपमा अग्रवालको कार्यकाल सुरु भएको छ । उनले सो क्लबको एक वर्ष नेतृत्व गर्नेछिन् । प्रेसिडेन्ट अग्रवालले सो क्लबको विभिन्न जिम्मेवारी सफलतापूर्वक पूरा गरेकी थिइन् । 

क्लबले बुधबार पदस्थापन गराउँदै मञ्जु अग्रवाललाई स्वागत र निवर्तमान अध्यक्ष कुसुम अग्रवाललाई विदाई गरेको हो । 

पदस्थापन कार्यक्रमा रोटरी क्लबका डिस्ट्रीक्ट गभर्नर राजेन्द्रमान शेरचन, पूर्व गभर्नर बासुदेव गोल्यान, सन्तोष रिजाल, संजय गिरी, पूर्वाञ्चल विश्वविद्यालयका उपकुलपति विजु थपलिया लगायत रोटरीयनहरुको बाक्लो उपस्थिती रहेको थियो । 

पदस्थापन कार्यक्रमा रोटरी क्लबका डिस्ट्रीक्ट गभर्नर राजेन्द्रमान शेरचनले रोटरी क्लब अफ विराटनगर डाउनटाउनकी वर्ष २०२४–२५ की अध्यक्ष मञ्जु अग्रवाललाई शपथग्रहण गराएका थिए । 

सो अवसरमा क्लबकी अध्यक्ष अग्रवालले आफुहरुले यस वर्ष बालबालिको शिक्षा, स्वास्थ्य, वातावरण तथा महिला शसक्तिकरणमा विशेषरुपमा कार्य गर्ने प्रतिवद्धता जनाइन् । 

स्थापन कार्यक्रममा विभिन्न व्यक्तित्वहरुलाई सम्मान गरिनुका साथै, प्रमुख अतिथी, विशिष्ट अतिथी र अतिथीहरुलाई मायाको चिनोसमेत प्रदान गरिएको थियो ।