काठमाडौं, १७ असार-नेपालमा कोरोना भाइरस संक्रमितको संख्या १४ हजार नाघेको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले देशभरका विभिन्न प्रयोगशालामा गरिएको परीक्षणमा थप ४८२ जनामा कोरोना संक्रमण देखिएको जानकारी दिए।

उनका अनुसार ११७ जना महिला र ३६५ जना पुरुषमा कोरोना भाइरस संक्रमण देखिएको हो । योसँगै नेपालमा कोरोना भाइरस संक्रमितको संख्या १४ हजार नाघेको छ । हालसम्म नेपालमा १४ हजार ४६ जनामा कोरोना संक्रमण देखिएको उनले बताए उनका अनुसार संक्रमित मध्ये १ हजार ७६४ जना महिला रहेका छ्न् भने १२ हजार २७२ जना पुरुष रहेक छन् ।

पछिल्लो २४ घण्टाको अवधिमा ४ हजार ८८६ जनाको पीसीआर विधिबाट परीक्षण गरिएको छ । हासम्म २ लाख ३३ हजार २२७ जनाको कोरोना परीक्षण भएको स्वास्थ्य मन्त्रालयले जनाएको छ । हालसम्म क्वारेन्टाइनमा बस्नेको संख्या ४८ हजार ३६२ जना रहेका छन् भने ९ हजार ३६० जना आइसोलेसनमा रहेका छन् ।