काठमाडौं, जेठ १५–बिहीबार २ बजे मन्त्रिपरिषद् बैठक बस्ने भएको छ । प्रधानमन्त्री केपी शर्मा ओलीका प्रेस सल्लाहकार सूर्य थाापाका अनुसार आज २ बजे मन्त्रिपरिषद् बैठक बलाइएको छ । अर्थमन्त्री डा. युवराज खतिवाडासँग बजेटका बारेमा जानकारी लिन बैठक डाकिएको बताइएको छ ।

आज ४ बजे संघीय संसदको संयुक्त बैठकमा आगामी आवको बजेट प्रस्तुत गर्ने कार्यक्रम छ । बजेट प्रस्तुत गर्नुभन्दा पहिला मन्त्रिपरिषद्बाट स्वीकृति लिनुपर्ने व्यवस्था छ । सोही व्यवस्थाअनुसार आज प्रधानमन्त्री निवास बालुवाटरमा मन्त्रिपरिषद् बैठक डाकिएको हो ।