विराटनगर, ७  जेठ-मोरङको विराटनगर महानगरपालिका–१४ स्थित झडियारीमा १ जना वृद्धको घरभित्र गाडिएको अवस्थामा शव फेला परेको छ । स्थानीय ५५ वर्षीय सत्यराम चौहानको शव आफ्नै घरभित्र करिब ३ फिट गहिरो खाडल खनेर गाडिएको अवस्थामा शव बुधबार साँझ प्रहरीले बरामद गरेको हो ।

जस्तापाताले छाएको माटोको घरभित्र चौहान सुत्ने खाटमुनि खाडल खनेर गाडेको अवस्थामा शव फेला परेको इलाका प्रहरी कार्यालय रानीका प्रमुख प्रहरी निरीक्षक दीपक थापाले जानकारी दिए । घटनाको विषयमा थप अनुसन्धान भइरहेको उनले बताए ।