प्रचण्ड–माधव समुहक बिद्यार्थी भेला : नेताहरुले दिए पार्टी बिभाजनकै पक्षमा यस्तो प्रशिक्षण - News Birat

प्रचण्ड–माधव समुहक बिद्यार्थी भेला : नेताहरुले दिए पार्टी बिभाजनकै पक्षमा यस्तो प्रशिक्षण

न्यूज विराट

काठमाडौं, १९ मंसिर–सत्तारुढ नेपाल कम्युनिष्ट पार्टी (नेकपा) को विवाद चर्कदै जाँदा छुट्टा–छुट्टै भेला तथा प्रशिक्षण कार्यक्रमले तीब्रता पाउन थालेको छ । पार्टी बिभाजन हुने लगभग निश्चित रहेको आन्तरिक सर्कुलर पठाएर देशब्यापी तयारी थालेको अध्यक्ष पुष्पकमल दाहाल, प्रचण्ड र बरिष्ठ नेता माधवकुमार नेपाल समुहले बिभाजनको सवैभन्दा शक्तिशाली संगठन बिद्यार्थी हुने ठहरका साथ काठमाडौंको थापाथलीमा आज भेला गरेको छ ।

सो भेलामा बिभाजनको वकालत गर्दै आएका र पार्टी एकता गर्दा असहमत रहेका नेताहरुलाई पठाइएको छ । २०५४ सालमा तात्कालिन नेकपा एमाले बिभाजनको आधार नै बिद्यार्थीको गुट भेला बनेको थियो । सोही निश्कर्षमा आधारमा प्रचण्ड माधव समुहले बिद्यार्थीलाई प्रशिक्षण दिएको हो ।

भेलामा स्थायी कमिटी सदस्य अष्टलक्ष्मी शाक्य, पम्फा भुसाल, रामकुमारी झाँक्री, लेखनाथ न्यौपानेलगायतका नेताहरु सहभागी थिए । उनीहरुले सम्बोधनको क्रममा आफूहरु स्पष्ट बहुमतमा रहेको कारण अध्यक्ष तथा प्रधानमन्त्री केपी शर्मा ओलीलाई महाधिवेशन र अर्काे चुनावसम्म जान नदिने निश्कर्ष सुनाएका थिए ।

‘हामीसँग अहिले सवै कमिटीमा बहुमत छ, फुटाउने होइन, केपी ओलीलाई पार्टीबाटै निकाल्ने हो, त्यसैले अव केपी ओलीलाई महाधिवेशन र चुनावसम्म पुग्न दिइदैन, तपाईंहरु देशब्यापी तयारी अघि बढाउनोस, सवै कमिटीमा कब्जा गर्ने अभियान चलाउनोस,’ भेलामा सवै नेताको भनाईको निश्कर्ष सुनाउँदै सहभागी एक बिद्यार्थी नेताले भने ।

उनका अनुसार भेलामा सहभागी नेतामध्ये बागमति प्रदेश इञ्चार्जसमेत रहनुभएकी नेतृ शाक्य प्रधानमन्त्री ओलीबिरुद्ध निकै आक्रामक रुपमा प्रस्तुत हुनुभएको एक बिद्यार्थीले जानकारी दिए । सामाजिक सञ्जालमा निकै उग्र बिरोधमा उत्रने नेतृ रामकुमारी झाँक्रीको सम्बोधन भने निकै सन्तुलित रहेको उनले बताए । सो भेलाको आयोजना प्रचण्ड र नेपाल निकट अनेरास्ववियुका सह–संयोजक रञ्जित तामाङले गरेका थिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles