काठमाडौं, ६ जेठ-नेपालको छुटेको भूमि समेटेर भोलिसम्ममा नेपालको नक्सा सार्वजनिक हुने प्रधानमन्त्री केपी शर्मा ओली बताएका छन् । उनले हिजो मन्त्रिपरिषद्ले नक्सा पारित गरेको भन्दै उनले भोलिसम्ममा नक्सा प्रकाशित हुने बताए । उनले नक्सा प्रकाशित भएसँगै सिंगो देश पनि खुसी हुने बताए । उनले नेपालको नक्सा सार्वजनिक भएको दिन नेपालमा दीपावली हुने बताए ।

उनले लिम्पियाधुरा, लिपुलेक, कालापानीलगायतका भूमि नेपालको रहेको पनि उल्लेख गरे । उनले १८ सालअघि त्यहाँका बासिन्दाले तिरो तिर्दै आएको र सन् १९६२ मा कालापानीमा भारतीय सेना बसेपछि नेपालीलाई त्यो भन्दा पश्चिमको भूभागमा जान रोक लगाएको उनले बताए ।

‘लिम्पियाधुरा कालापानी लिपुलेकसहित हाम्रो भूभाग हो । १८ सालसम्म त्यहाँ जनगणना तिरो उठाउने काम भएको थियो । त्यसपछि तिरो उठाउने जस्तो काम रोक्ने जाने नदिने जस्ता काम भए । र खासगरी १९६२ पछि भारतीय सेना कालापानीमा बसेपछि त्यसभन्दा पश्चिमको भूभाग जान हामी बल्क बयौँ । हामीलाई ब्लक गरियो । त्यसबेलाका शासकहरूले त्यसलाई सहयोग सहेर बसे ।’ उनले भने ।