विराटनगर – ७ मा रहेको मेरिल्याण्ड कलेजमा अध्ययनरत दिया अग्रवालले कक्षा १२ को परीक्षामा नेपाल प्रथम भइन् । राष्ट्रिय परीक्षा बोर्डले २०७९ सालमा लिएको परीक्षामा व्यवस्थापन सङ्कायमा नेपालमै उच्चतम अङ्क ३.९६ जिपिए ल्याएर अग्रवाल नेपाल प्रथम भएकी हुन् । देशभरीको उच्च माविलाई पछि पार्दै दिया नेपाल प्रथम भएपछि मेरील्याण्ड कलेजले विशेष सम्मान पनि गरिसकेको छ । संविधान दिवसको अवसर पारेर कलेजले भव्य कार्यक्रम आयोजना गरी नगद ५१ हजार रूपयाँ सहित विशेष सम्मान गरेको थियो । नेपाल प्रथम हुने हुने दियाको बुबा सुचित र आमा रीता अग्रवाल हुन् । १७ वर्षीय दियाले नेपाल प्रथमदिया अग्रवालले कक्षा १२ को परीक्षामा नेपाल प्रथम गरेपछि संविधान दिवसको अवसर पारेर कलेजले नगद ५१ हजार रूपयाँ सहित विशेष सम्मान गरेपछी उनीसँग गरिएको संक्षिप्त कुराकानी :

पहिलोपटक परीक्षाफल थाहा पाउँदा कस्तो महसूस भयो ?
– परीक्षा दिएप्छि कक्षा १२ को परीक्षाफलको पर्खाइमा थिए । सोचेअनुरूप नै ३.९६ जिपिए आएको छ । अझ छात्रा त्यो पनि नेपाल प्रथम भएको थाहा पाएपछि निकै खुशी भएँ । नेपाल प्रथम भएको खबर मेरिल्याण्ड कलेजका प्रिन्सिपल लक्ष्मण ढकाल सरले फोन गरेर बधाइ दिनुभएपछि झन धेरै उत्साहित भए ।

यो सफलता कसरी प्राप्त भयो ?
– सफलताका लागि सबैभन्दा पहिलो त अनुशासन तथा मेहनत नै हो । कलेजमा एकाग्र भएर अध्ययन गर्ने, गुरुहरूले पढाएको नबुझेमा तुरुन्तै सोध्ने गर्दा पनि यो सफलता प्राप्त भएको हो । त्यसमा कक्षा ११ देखि आफु पढने मेरिल्याण्ड कलेज र अभिभावकको सहयोग पनि थियो । मेरो सफलताको पछाडि आफ्नो मेहनतसँगै बुबाआमा र गुरुहरूको ठूलो हात छ ।

कसरी अध्ययन गर्दा यस्तो सफलता मिल्दो रहेछ ?
– सबैभन्दा पहिला अध्ययनशील, लगनशील र अनुशासित हुन जरुरी छ । विद्यार्थीले सधैं कक्षामा शिक्षकले अध्यापन गराइरहेको बेला ध्यान दिनु जरुरी छ । विद्यार्थीको कितावलाई आफ्नो सबभन्दा ठूलो साझी मान्नुपर्छ । पढाइप्रति दिक्क मानेर उम्किने अवस्था होइन विद्यार्थीको, किनभने यतिबेला अलिकति संघर्ष गरेर भए पनि भविष्य उज्वल पार्न भविष्यमा नपछुताउने गरी आफ्नो उद्देश्यमा लगनशील हुनुपर्छ ।
विद्यार्थीको सबैभन्दा ठूलो गुण अनुशासन हो । अनुशासित विद्यार्थी कहिल्यै असफल हुनै सक्दैन । पढाएको विषयमा ध्यान दिने, नबुझेको कुरा शिक्षकलाई सोध्ने । त्यस्तो गर्न सकेमा सफता प्राप्त हुनेछ । आचकालका विद्यार्थीहरु परीक्षा आउने बेलामा मात्रै पढने बानी रहेको छ । त्यसो गर्नुभन्दा पनि दैनिक ३–४ घण्टा रुटीन बनाएर पढने गरेमा सफलता सजिलै प्राप्त गर्न सकिन्छ । यस्तै दैनिक ५ देखि १५ मिनेटसम्म योगा गरेमा दिमाग सधै स्वस्थ्य रहन्छ भन्ने मेरो भनाई छ ।

भविष्यको योजना के छ ?
– व्यवस्थापन संकाय अध्ययन गरेको कारणले सिए बन्ने इच्छा रहेको छ । सिए पढेर देशको सेवा गर्ने मेरो इच्छा रहेको छ ।

नेपाल प्रथम गरेकी दिया अग्रवाललाई प्रदेश १ सामाजिक विकास मन्त्री राजन राइसहित कलेजका प्रिन्सिपल र शिक्षकहरूले पुरस्कार रकम हस्तान्तरण गर्दै ।