काठमाडौं, जेठ ५–विश्वव्यापी रुपमा फैलिएको कोरोना भाइरस संक्रमण भएका १८ लाखभन्दा बढी व्यक्तिको सफल उपचार भएको छ । विश्व स्वास्थ्य संगठनका अनुसार सोमबार बिहान सवा ११ बजेसम्म १८ लाख ६० हजार ३६ जनाको सफल उपचार भएको छ ।

भाइरसका कारण ज्यान गुमाउनेको संख्या पनि बढ्दै गएको छ । विश्वभर मृत्यु हुनेको संख्या तीन लाख १६ हजार ७ सय ३० पुगेको छ । वल्र्डोमिटरको तथ्यांकअनुसार अहिलेसम्म कोरोना संक्रमितको संख्या ४८ लाख नाघेको छ ।

कूल संक्रमितको संख्या ४८ लाख ५ हजार १ सय ८६ पुगेको हो । संक्रमितमध्ये २६ लाख २८ हजार ४ सय २० जनाको उपचार भइरहेको छ भने ४४ हजार ८१९ जनाको अवस्था चिन्ताजनक रहेको जनाइएको छ ।