कोरोना भाइरस (कोभिड–१९) परीक्षण गर्ने सामग्री लिन नेपालबाट चीनतर्फ नेपाल एयरलाइन्सको विमान उडेको छ ।स्वास्थ्य मन्त्रालयको अर्डरअनुसारका सामग्री ल्याउन नेपाल एयरलाईन्सको जहाज आर ४१७१ कल साइनको जहाज शनिबार दिउँसो उडेको पर्यटनमन्त्री योगेश भट्टराईले बताए । उनले भने ‘नेपाल एयरलाइन्सको आर ४१७१ अहिले १२:३१ मा ग्वान्जाओका लागि उडेको छ । जहाज राति १ बजे तिर नेपालमा आईपुग्ने छ ।’

विश्वभर महामारीको रूप लिएको कोरोना भाइरसका संक्रमित नेपालमा पनि भेटिन थालेपछि आवश्यक सामग्री सरकारले दूतावासमार्फत चीन र भारतबाट ल्याउने तयारी गरेको हो ।