उपत्यकामा आज ११०७ जनामा कोरोना संक्रमण
काठमाडौं, ५ मंसिर-काठमाडौं उपत्यकामा शुक्रबार १ हजार १ सय ७ जनामा कोरोना संक्रमण पुष्टि भएको छ । योसँगै उपत्यकामा कोरोना संक्रमितको संख्या १ लाख ८ सय ७२ पुगेको स्वास्थ्य तथा जनसंख्या मन्त्रालयले जनाएको छ ।...
सुर्खेत, ४ जेठ-कालिकोटमा नौ वटा स्थानीय तहले एक हजार ८४ बेडको क्वारेन्टाइन बनाएका छन् । भारतमा रेल सेवा सुचारु भएपछि रोजागारीका लागि भारत गएका जिल्लामा आउन सक्ने भन्दै क्वारेन्टाइन निर्माण गरेका हुन् ।
जिल्लाका नौ वटा स्थानीय तहहरुमध्ये खाँडाचक्र नगरपालिकाले छ ठाउँमा एक सय २२ बेड, रास्कोट नगरपालिकाले छ ठाउँमा एक सय सात बेड, तिलागुफा नगरपालिकाले १४ ठाउँमा ३ सय ९८ बेडको क्वारेन्टाइन निर्माण गरेका छन् ।
त्यस्तै, पलाँता गाउँपालिकाले ३ ठाउँमा ४० वेड, पचालझरना गाउँपालिकाले चार ठाउँमा ३४ बेड, सान्नी त्रिवेणी गाउँपालिकाले ३ ठाउँमा ५६ बेड, नरहरिनाथ गाउँपालिकाले १३ ठाउँमा एक सय ७५ बेड, शुभकालीका गाउँपालिकाले छ ठाउँमा ९६ बेड र महाबै गाउँपालिकाले चार ठाउँमा ५६ बेडको क्वारेन्टाइन निर्माण गरेका हुन् ।
भारतमा रेल सेवा खुलेको र रोजगारीका लागि भारत गएहरु सीमा आएको खबर आएका कारणले जिल्लामा एक हजार ८४ क्वारेन्टाइन बेड निर्माण भएको जिल्ला स्वास्थ्य सेववा कार्यालय कालिकोटका सूचना अधिकारी कटकबहादुर महतले बताए ।
यसभन्दा अघि देश तथा विदेशबाट आएका एक हजार एक सय ५१ जनालाई क्वारेन्टाइनमा राखिएको, पीसीआर र आडीटी विधिबाट कोरोना परीक्षण घरमा पठाइएको महतले बताए । ‘अहिले जिल्लाक विभिन्न स्थानमा ३९ जना क्वारेन्टाइनमा बस्नुभएको छ’ उनले भने । जिल्लामा कोरोना संक्रमण उपचारका लागि १५ वटा आइसोलेसन बेडको निर्माण गरिएको महतले जानकारी दिए ।
