भारतबाट दुइटा गाडीसहित नेपाल प्रवेश गर्न खोज्ने भारतीय नागरिकले विवादसमेत गरेका थिए । भारतीयहरूलाई आउन रोक लगाएपछि तिनीहरू ढुंगामुढासमेत गरेका थिए । सशस्त्र प्रहरीले हवाई फायर गरी भीडलाई तितरबितर पारेको हो ।

गाडी प्रवेश गर्न नपाएपछि करिब डेढ सयको संख्यामा भारतीय नागरिक सशस्त्र प्रहरीको चेक प्वाइन्टमा ढुंगामुढा गर्न आएका थिए । त्यही क्रममा सशस्त्रले हवाई फायर गरी भीडलाई भारततफै फर्काएको हो ।

सशस्त्र प्रहरी बल २ नम्बर छिन्नमस्ता बाहिनी बल मुख्यालयका डीआईजी राजु अर्यालले स्थिति सामान्य भइसकेको बताए । जबर्जस्ती नेपाल प्रवेश गर्न खोज्ने भारतीयलाई उतै फर्काइसकेका छौं । जबर्जस्ती प्रवेश गर्न खोजेपछि स्थिति नियन्त्रणमा लिनलाई हवाई फायर गरिएको हो उनले वताए ।

अनधिकृत घुसपैठ रोक्नलाई दुवै देशका सुरक्षा अधिकारीले सावधानी अपनाएर काम गरेको अर्यालले बताए । अहिले सीमामा दूबैदेशका सुरक्षाकर्मीहरूले आउन जान दिइरहेको छैन । भारत तिरबाट पनि सुरक्षा व्यवस्था कडा पारिएको छ ।