राशिफल

मोरङ ४ मा पर्ने ११ वटा वडाको गणना सकियो, अमनलाल मोदी ७ हजार ८६५ मतले अगाडी

 न्यूज विराट
मोरङ ४ मा पर्ने ११ वटा वडाको गणना सकियो, अमनलाल मोदी ७ हजार ८६५ मतले अगाडी

विराटनगर । नेकपा माओवादी केन्द्रका केन्द्रीय सदस्य अमनलाल मोदीले मोरङ निर्वाचन क्षेत्र नम्बर ४ मा निरन्तर अग्रता बनाउन सफल भएका छन् ।

निर्वाचन क्षेत्र अन्तरगत प्रदेश सभा निर्वाचन क्षेत्र ४(१) तर्फ बुधबार विहानसम्म ११ वटा वडाको मतगणना सम्पन्न हुदा ७ हजार ८६५ मतले अगाडी रहेका छन् ।

कटहरी ४, ५, ६, ७, ग्रामथानको १, २, ३, ४, ५, ६ र ७ गरी ११ वटा वडाको मत गणना सम्पन्न हुँदा मोदीले १७ हजार २ सय १३ मत ल्याएर अग्रता कायम गरेका हुन् । नेकपा एमालेका केन्द्रीय सदस्य विनोद ढकालले ९ हजार ३ सय ४८ मत ल्याएर पछ्याइरहेका छन् । अहिलेसम्म सम्पन्न भएका सबै वडाहरुमा नेता मोदीले अग्रता कायम गरेका छन् ।

मोदीले कटहरी गाउँपालिका अन्तरगत पर्ने वडाहरुमा प्रतिस्पर्धी उम्मेदवार ढकाललाई पछाडि पार्दै निरन्तर अग्रता कायम गरेका छन् । उनले सुरुवाती चरणबाट निरन्तर अग्रता कायम गरिरहेका छन् । कटहरीबाट नेकपा एमालेले अग्रता बनाउनेमा ढकाल पक्ष विश्वस्त थियो । गत स्थानीय तह उल्लेख्य मत प्राप्त गरेका वडाहरुमा समेत एमालेले माओवादी उम्मेदवारलाई उछिन्न सकेन । माओवादीका मोदीले प्रदेश निर्वाचन क्षेत्र ४(१) मा पर्ने कटहरी गाउँपालिकाको वडा नम्बर ४ बाट ५१७, वडा नम्बर ५ बाट ५१६, वडा नम्बर ६ बाट २६५, वडा नम्बर ७ बाट १७२ मतले अग्रता बनाएका थिए ।
यस्तै ग्रामथान गाउँपालिका भित्रको वडाहरू गणना सुरु हुन थालेपछि मोदीले फराकिलो अग्रता बनाउन सफल भए । ग्रामथान वडा नम्बर १ बाट १७३, वडा नम्बर २ बाट ५८९, वडा नम्बर ३ बाट ५२२, वडा नम्बर ४ बाट ८१२, वडा नम्बर ५ बाट १ हजार ३५५, वडा नम्बर ६ बाट ९४२, वडा नम्बर ७ बाट ९१४ मतले अग्रता बनाएका छन् । अहिले बेलबारीबाट गणना सुरु हुदैछ । मोरङ ४(१) मा बेलबारीको ५, ६ र ७ नम्बर वडा पर्दछन् । यी वडाको गणना सकिएपछि विराटनगर १९ नम्बर वडाको गणना हुन्छ । यी वडाहरू गणना सकिएपछि मोरङ ४(१) को प्रदेशतर्फको सकिनेछ ।
त्यसपछि ४(२) को गणना सुरू हुन्छ । ४(२) मा कटहरी १, २, ३, विराटनगरको १, २, ३, ८ र १० वडा पर्दछ । क्षेत्र नम्बर ४ मा २३ वटा वडाहरु छन् ।
गत स्थानीय तह निर्वाचनमा २३ ओटा वडामध्ये १८ वटा वडामा वडाध्यक्ष जितेको भएपनि एमाले मोरङका प्रभावशाली नेता ढकालले ती वडाहरुबाट नतिजा भने निकाल्न सकेको देखिएन । ग्रामीण क्षेत्रबाट अपेक्षाकृत मत प्राप्त नभएपछि ढकाललाई विराटनगर महानगरपालिकाबाट प्राप्त हुने मतबाट जित निकाल्नु पर्ने विकल्प मात्र बाँकी रहेको देखिन्छ । विराटनगरका पाँच वडाहरुनै उनको भरोषाको आधार बन्न पुगेको छ । विराटनगर महानगरका पाँच ओटा वडाहरुमा करिव २४ हजार मत खसेको छ ।

सम्बन्धित समाचार

विराटको सङ्कलन केन्द्र विराटनगरको भट्टिमोडमा स्थापना, अब घरमै बसेर बिरामीले रिपोट पाउने

विराटनगर । विराटनगरको दक्षिणी क्षेत्र र सीमावर्ती भारतीय बिरामीहरूलाई स्थानीय स्थरमा स्वास्थ्य सेवा पु¥याउने उद्देश्यले विराट नर्सिङ होम भित्र रहेको विराट इन्टरनेशनल डाईग्नोस्टिक ल्याब प्रा.लि. ले रगत सङ्कलन केन्द्र स्थापना गरेको छ ।विराटले आइतबार विराटनगर...

बुद्धोदय सहकारीको निक्षेप ११ करोड १ लाख

विराटनगर । विराटनगर महानगरपालिका ३ मा रहेको बुद्धोदय बचत तथा ऋण सहकारी संस्था लि. ले आर्थिक वर्षमा ११ करोड भन्दा बढी रकम निक्षेप गर्न सफल भएको छ ।सहकारीको विराटनगरमा आइतबार भएको १४ औं वार्षिक साधरण...

विराट एक्स्पोको तयारी पुरा, ३६१ वटा स्टल रहने

विराटनगर । सातौं संस्करणको विराट एक्स्पोको तयारी पुरा भएको छ । मंसिर २९ देखि पुस ६ गतेसम्म विराटनगर महानगरपालिका–१४ स्थित डिग्री क्याम्पस (पुरानो हवाई फिल्ड)मा हुन लागेको एक्स्पोको तयारी पुरा भएको आइतबार पत्रकार सम्मेलन गरी...

रोटरी क्लबले मनायो बालबालिकासँग अन्तराष्ट्रिय अपाङ्गता दिवस

विराटनगर, १७ मंसिर । रोटरी क्लब अफ विराटनगर डाउनटाउनले अन्तराष्ट्रिय अपाङ्गता दिवस मनाएको छ । क्लबले अपाङ्गता भएका बालबालिकाहरुसँग ३१ औँ अन्तराष्ट्रिय अपाङ्गता दिवस मनाएको हो । पिटर प्यान प्ले पेन स्कूलको सहयोगमा क्लबले सीपी...